Bir müddət bundan öncə
xəbər yayılmışdı ki, Keniyadan, yəni Birləşmiş Ştatların prezidenti Barak
Obamanın vətənindən Feliks Kiprano adlı bir gənc Ağ Ev şefinin böyqk qızı
Maliyayla evlənmək istəyir. Özü də heç kim bunu elə belə zarafat-zad hesab eləməsin.
Çünki Feliks bunu çox ciddi şəkildə bəyan eləmişdi, hətta başlıq parası üçün
qızın atasına – Obamaya 50 baş inək, 70
baş qoyun və 30 baş keçi verəcəyinə and içmişdi. Və bilmirəm nə məsələ ididsə
daşdan-qayadan səs çıxdı, Barakdan bir səs çıxmadı. Deyilənə görə, Obama həmin
təklifə «protiv» deyilmiş.
Amma indi deyəsən vəziyyət tamam dəyişib. Verilən xəbərlərdən
belə görünür ki, qızın məsələsi keçib
arxa plana, indi Obamanın özünə elçi düşüblər. Bəli, heç kim təəccüblənməsin,
o, ABŞ-ın bütün əyalətlərində homoseksual evliliyi qanuniləşdirən qərarı
alqışladıqdan, hətta «sevgi azaddı» (anspress.com) messajını verdikdən sonra
ona olan sevgilərin yolları əməlli-başlı
açılıb. Sən demə, Obamaya məhəbbətlərini ürəklərində gizlədənlər varmış.
Neyləsinlər, adam ABŞ
kimi super-dövlətin prezidentidir. Ərə getmək təklifi almaq birdən xoşuna gəlmədisə,
onda eşşək gətir, mərəkə yüklə. Həmin təklifi verənin başına olmazın müsibətlərini
gətirməzmi? Nə isə mətləbdən uzaq düşməyək…
Sevginin azad oilduğunu elan etdikdən sonra Afrikada
Zimbabvenin 91 yaşlı prezidenti Robert Muqabe
kimsəyə aman vermədən o dəqiqə prezident Barak Obamaya evlilik təklif edəcəyini
dilə gətirib. Və bunu hər kəs bilsin deyə
radio proqramlarının birində söyləyib. O açıq şəkildə bildirib: «Bir az əvvəl qərar verdim. Homoseksualların haqlarını müdafiə
etdiyinə və cazibədar görünüşü olduğuna görə ABŞ-ın paytaxtı Vaşinqtona gedəcəyəm
və qarşısında diz çöküb Obamaya evlənmə təklif edəcəyəm».
Öz aramızdı, Obamaya bundan artıq nə lazımdı ki? O, dağ
boyda kişinin, milyonların sahibi, Zimbabve kimi bir ölkənin şefi olan bir
adamın dizini yerə qoyaraq belə romantik evlilik təklifini necə rədd eləyə bilər?
Məncə heç cür. Özü də o boyda ağsaqqal prezident ondan ötrü durub
Vaşinqtona gedəcəyinə də söz verir.
Onsuz da bundan sonra istəsə də, istəməsə də Barakı
işdən çıxaracaqlar, o da Corc Buş kimi ora-bura düşüb özünə bir iş axtaracaqdı.
Mən demirəm, siz deyin, Muqabenin təklifini qəbul edəndən sonra o işi-zadı neyləyir?
Bilirəm bəziləri inanmayacaqlar ki, belə bir şey
hüquqi cəhətdən baş tuta bilməz, çünki Obamanın Mişel xanımla «ZAQS»ı var. Amma
bu əngəl boş şeydi. Çünki onsuz da onlar yola getmirdilər. Ayrılmağa
hazırlaşırdılar. Boşanandan sonra kim ona deyə bilər ki, Muqabeyə niyə razılıq
veribsən?
İndi
«xoşbəxt olsunlar» deyib, «ailə səadəti» arzulamaqdan başqa nə deyə bilərik ki?
Onun da xoşbəxt olma haqqı var, ya yox? Bu adam prezident seçiləndən sonra daha
başına gəlməyən qalmayıb. İş o yerə çatıb ki, heç özü də bilmir ki, neyləyir.
Bombaları müsəlmanların başına tökəndən iki gün sonra televiziyaya çıxıb müsəlmanları
Qurban bayramını təbrik eləyib onlara can sağlığı arzulayırdı. Uşaqlı-böyqklü
İraqda bir milyon yarım insanı qırsa da Amerikada heyvanların müdafə hərəkatlarını
dəstəkləyirdi. Azərbaycana – bizim strateji tətəfdaşımızdı – deyib, pulları militarist ermənilərə göndərirdi…
Nə bilim ey, belə deyiləsi bir yeri qalmamışdı. Elə ən yaxşısı onun yeri
Muqabenin sarayıdı…
babekyusifoglu.blogspot.com