adalet.az header logo
  • Bakı 9°C
  • USD 1.7
30 Iyun 2015 23:04
3129
MƏMLƏKƏT
A- A+

Könüllülərin iş qrafiki uzadıldı

"Bakı Metropoliteni”ndə könüllülərin iş qrafiki uzadılıb.

 

Adalet.az-ın qurumun saytına istinadən verdiyi xəbərə görə, buna səbəb 1-ci Avropa Oynları başa çatsa da, möhtəşəm tədbiri izləməyə gələn xarici qonaqların bir hissəsinin ölkəmizə səfərlərini davam etdirməsidir.

 

Eyni zamanda, böyük idman bayramının təşkilatçıları da hələ bir müddət Bakıda olacaqlar. Bunu nəzərə alan "Bakı Metropoliteni” QSC-nin rəhbərliyi əsas stansiyalarda fəaliyyət göstərən könüllülərin iş qrafikinin iyulun 1-nə qədər uzadılması barədə qərar verib.

 

Belə ki, "İçərişəhər”, "Sahil”, "Nizami”, "28 May” və "Koroğlu” stansiyalarında könüllülər yenə əvvəlki qaydada – növbəlilik əsasında fəaliyyətlərini davam etdirirlər.