Səfərov həlledici görüşdə Beslan Mudranova "ippon"la məğlub olub.

***

Orxan Səfərov finalda rusiyalı Beslan Mudranovla qarşılaşacaq. Nicat Şıxəlizadə isə bürünc uğrunda digər Rusiya cüdoçusu Mixael Pulyayevlə mübarizə aparacaq.

***

Nicat Şıxəlizadə təsəlliverici görüşdə Ukrayna təmsilçisi Zantarayanı məğlub edərək, bürünc medal uğrunda həlledici görüşə vəsiqə qazanıb.

***

Səfərov rəqibini xəbərdarlıqlar sayəsində məğlub etməyi bacarıb. O, bununla da həm də Müşkiyevin revanşını almış olub.

***

Bir neçə dəqiqə sonra təmsilçimiz Orxan Səfərov ispaniyalı Qarriosla final yolunda həlledici görüşə çıxacaq.

***

 Orxan Səfərov qalib gələrək yarımfinala adlayıb. Təəssüf ki, digər təmsilçimiz uğurun ardını gətirə bilməyib. Şıxəlizadə rəqibinə "ippon"lə məğlub olaraq ümidini bürünc medala bağlamalı olub.

***

Bir neçə dəqiqə  mübarizəni davam etdirən təmsilçilərimiz Orxan Səfərov və Nicat Şıxəlizadə 1/4 final görüşünə çıxacaqlar. Onların rəqibləri müvafiq olaraq, Isveçrə və Portuqaliya cüdoçularıdır.

***

Şıxəlizadə italiyalı rəqibini də "ippon"la yenərək 1/4 finala vəsiqə qazanıb.

***

Bir neçə dəqiqə sonra Nicat Şıxəlizadə İtaliya rəqibi ilə 1/8 final görüşünə çıxacaq. Onun rəqibi İtalya cüdoçusudur.

***

Səfərov rəqibini 1 "vazari" və 2 "yuko" xalı ilə məğlub edərək, 1/4 finala vəsiqə qazanıb. 

Qeyd edək ki, Arif tanınmış azərbaycanlı cüdoçu, hazırda Belarus yığmasının baş məşqçisi postunu tutan Natiq Bağırovun oğludur.

***

Səfərov Hazırda 60 kiloqram çəkidəki təmsilçimiz Orxan Səfərov 1/8 final görüşünə çıxıb. Onun rəqibi Belarusu təmsil edən həmvətənimiz Arif Bağırovdur.

***

Ilqar Müşkiyev ilk görüşdə ispaniyalı rəqibini "Golden score"də məğlub olub.

***

Təmsilçilərimiz Kifayət Qasımova və Aişə Qurbanlı müvafiq olaraq, Serbiya və İtaliya təmsilçilərinə məğlub olub.

***

Hazırda Kifayət Qasımova tatamidədir.

***

Leyla Əliyeva ikinci mərhələdə Belçika cüdoçusuna "ippon"la yenilib.

***

Kərimov rusiyalı rəqibinə vazari balı ilə məğlub olub.

***

Bu dəqiqələrdə 66 kiloqram çəkidəki digər təmsilçimiz Tərlan Kərimov tatamidə rus cüdoçusu ilə mübarizə aparır.

***

Nicat Şıxəlizadə ilk görüşündə Türkiyə cüdoçusu ipponla məğlub edərək 1/8 finala vəsiqə qazanıb.

***

Aişə Qurbanlı ilk görüşdə rumıniyalı rəqibi üzərində təmiz qələbə qazanıb. 

***

Leyla Əliyeva ilk görüşdə sloveniyalı rəqibini məğlub edib. Görüş ərzində xal qazanılmasa da, rəqibə verilən xəbərdarlıq sayəsində Azərbaycan cüdoçusu 1/8 finala yüksəlib.

***

Bu gün I Avropa Oyunlarında cüdo yarışları start götürür.

Adalet.az-ın "Bakı - 2015"-ə ezam olunan müxbirinin məlumatına görə, 3-ü qadınlar, ikisi kişilər olmaqla, 5 çəki dərəcəsində qaliblərin müəyyənləşəcəyi ilk gündə Azərbaycanın 8 cüdoçusu tatami üzərinə çıxacaq.

Onlardan 4-ü kişilərin, 4-ü qadınların yarışında qüvvəsini sınayacaq. 

Kişilər

60 kq

Bu çəki dərəcəsindəki hər iki təmsilçimiz təsnifat mərhələsindən azaddır.

Dünya çempionatının bürünc mükafatçısı Orxan Səfərov 1/8 finalda monteneqrolu Yan Siçardi ilə belaruslu Arif Bağırov arasında görüşün qalibi ilə qarşılaşacaq. Mundialın digər mükafatçısı İlqar Müşkiyev isə ispaniyalı Franssiko Qarriqosla israilli Alon Rəhim arasında duelin qalibi ilə üz-üzə gələcək.

66 kq

 Təcrübəli Nicat Şıxəlizadə mübarizəyə 1/16 finaldan start verəcək. O, türkiyəli Sinan Sandalla üz-üzə gələcək. Qitə çempionatının gümüş mükafatçısı Tərlan Kərimov isə təsnifat mərhələsində çəkinin reytinq favoriti, rusiyalı Mixail Pulyayev ilə qarşılacaq.

Qadınlar

48 kq

 Leyla Əliyeva mübarizəyə 1/16 finaldan başlayacaq. Onun rəqibi sloveniyalı Kristina Vrsiç olacaq.

Digər təmsilçimiz Aişə Qurbanlı isə rusiyalı Kristina Rumyantseva ilə qarşılaşacaq.

52 kq

 Səkinə Zairova 1/16 finalda israilli Roni Şvartsla görüşəcək.

57 kq

Dünya və Avropa çempionatlarının mükafatçısı, təcrübəli Kifayət Qasımova da yarışa 1/16 finaldan başlayacaq. O, serbiyalı Yovana Roqiçlə mübarizə aparacaq. Bu cütün qalibi növbəti mərhələdə portuqaliyalı məşhur portuqaliyalı cüdoçu Telma Montero ilə qarşılaşacaq.

Sahib ƏSƏDBƏYLİ