Azərbaycan yığmasının 4 boksçusu da bu gün rinqə çıxacaq. Tayfur Əliyev (56 kq) və Teymur Məmmədov (81) yarımfinal, Xaybula Musalovla (75) Yana Alekseyevna (60) isə 1/4 final görüşünü keçirəcək.

Bürünc medalı özü üçün təmin edən gənc Tayfur Əliyev həlledici görüş uğrunda rusiyalı boksçu Bəxtovar Nazirovla qarşılaşacaq.

Xaybula Musalovun 1/4 finaldakı rəqibi Vitali Bandarenka olacaq.

Teymur Məmmədov yarışda 4-cü görüşünə çıxacaq. O, yarımfinalda rusiyalı Pavel Silyagini mübarizədən kənarlaşdırmağa çalışacaq. 

Yana Alekseyevnanın 1/4 finaldakı rəqibi rusiyalı idmançı olacaq. Yana yarımfinal yolunda Zinayda Dobrinina ilə qarşılaşacaq.

Qeyd edək ki, Azərbaycan millisinin ümumilikdə 9 boksçusu yarımfinala vəsiqə qazanıb.

Sahib ƏSƏDBƏYLİ