... Bu da ikinci qar. Birinci dəfə qar yağanda bir o qədər də insanlar çətinlik yaşamamışdı. Amma Bakıya həmişə qar yağanda nəsə bir qəmbər-qulu çıxır. Elə ona görə də camaatın qardan gözü yaman qorxub. İkinci dəfə qar yağdı, aləm bir-birinə qarışdı. Başqa sözlə demiş olsaq, it yiyəsin tanımadı, yiyəsi də itini. Bəlkə də bu ifadə bir az kobud çıxdı. Kobud çıxsa da, çıxmasa da onsuz da ürəyimdən nə keçir, onu yazmalıyam. Yazmasam ürəyim partlayar...
Camaat yenə pis vəziyyətə düşdü, ağır anlar yaşadı və stresslər keçirdi. Bəlkə də Bakıda görünməmiş bir olay baş verdi. Onsuz da şəhərdə sürücülər və sərnişinlər saatlarla "probka"ya düşüblər. Amma buna bir təhər dözə biliblər. Bu dəfəki "probka" isə bəlkə də birinci dəfə idi baş verirdi. Müxtəlif istiqamətlərə hərəkət edən avtomobillər yerindən tərpənmir, arxada və qarşı tərəfdə sıxlıq vardı. Bakının "20 Yanvar" metro stansiyasının yaxınlığından Xırdalana qədər bir "probka" yaranmışdı gəl, görəsən. Kimi axtarırdın, kiminlə əlaqə yaradırdın, deyirdi ki, "probka"ya düşmüşəm çıxa bilmirəm. Biz də fikirləşirdik yəqin yarım saatdan və bir saatdan sonra dost-tanışlarımız və qohumlarımız "probka"dan çıxar. Saatlar ötürdü, vaxt keçirdi əlaqə saxladığımız yaxınlarımız deyirdi ki, hələ "probka"dan çıxa bilməmişəm.
Həmin günü yaxın qohumlarımızdan birini qarşılamaq üçün başqa bir yaxın adamımız təzə Avtovağzala gedirdi. Bir neçə saat keçsə də, həmin qohumumuz hələ avtovağzala çatmamışdı. Deyirdi ki, avatobusdayam "probka"ya düşmüşük. Çox qəribə idi. Elə kiminlə maraqlanırdın, şəhərdəki yaranmış "probka"dan danışırdı. Altı-yeddi saatdan sonra yenidən həmin qohumla əlaqə yaratdım. Dedi ki, təzə avtovağzala çatmışırq, yenə "probka"dı. Ordan piyada "20 Yanvar"a gəlirik. Onlar "20 Yanvar"a gəlirlər və metro stansiyasına az qalmış qohumlarımdan birinin buzlu yerdə ayağı sürüşür və yerə yıxılır. Sonradan məlum olur ki, daşın üzərinə yıxılan qohumumun qabırğası sınıbmış. Bu da qarın bizə verdiyi "hədiyyə". Daha çox yollara xidmət göstərən insanların bizə bağışladığı "bəxşeyiş"ə oxşayır bu.
Deyirəm, nə yaxşı Moskvada, Sankt-Peterburqda, Kiyevdə və digər şəhərlərdə olduğu kimi Bakıya tez-tez qar yağmır. Allah eləməmiş Bakıya tez-tez qar yağsa, gərək onda biz evdən çölə çıxa bilməyək. Çıxanda da ya maşını əzəcəyik, ya da yıxılıb qol-qıçımız sınacaq. Qol-qıç da sındı, maşın da əzildi, ağır vəziyyətdə olan hər hansı adamın işi iki qat çətinləşir. Bilmirsən, maşını düzəldirməyə pul tapasan, yoxsa həkimə gedib sınmış yerini müalicə elətdirəsən. Çünki hər işi aşırmaq üçün bir ətək pul lazımdı. İndiki zəmanədə də pul tapmaq, pul qazanmaq və onu əldə eləmək elə də asan deyil...
Bütün günahlar xidmət təşkilatlarında və ayrı-ayrı qurumlardadır. Hansı ki, hava şəraitinin mürəkkəb keçəcəyi, qar yağacağı və yolların buz bağlayacağı barədə bir neçə gün əvvəl hidrometroloqlar öncədən əlaqədar nazirlikləri, qurumları və idarələri məlumatlandırmışdır. Nəticəsi nə oldu? Bunu hamımız qar yağan günü yaxşı-yaxşı gördük. Gördük ki, nə Bakı şəhər İcra Hakimiyyəti, nə Nəqliyyat Nazirliyinin aidiyyəti qurumu, nə də digər təşkilatlar qışa hazır deyirlər. Çox qəribədir, şəhərə qar yağır və zaman keçdikcə onun qalınlığı artır, yollar buz bağlayır, həmin anda problemi aradan qaldırmağa aidiyyəti təşkilatlar maraq göstərmir. Elə şəhərdə yaranmış "probka"ya da əsas səbəb yolların buz bağlaması idi.
Əgər "20 Yanvar" ətrafında və eləcə də digər istiqamətlərdə yollara vaxtında duz qarışıq qum tökülsəydi, bu problemlər də yaşanmazdı. Nəinki minik avtomobilləri, hətta iri tutumlu avtobuslar belə qarlı gündə "20 Yanvar" istiqamətində hərəkət edərkən sürüşür, idarəetməni itirir və çətin vəziyyətə düşürdü. Bir çox sürücülərin təcrübəsizliyi isə yaranmış vəziyyəti daha da ağırlaşdırır, əlavə problemlər yaradırdı.
Hiss olunurdu ki, müxtəlif xidmət sahələri ilə yanaşı, bir çox nəqliyyat vasitələrinin sürücüləri də qışa hazır deyillər. Onlar avtomobillərin şinlərindən tutmuş, digər lazımi avadanlıqlara qədər bir çox problemləri yoluna qoymamışdılar. Hamıya gün kimi aydındır ki, yollar buz bağlayanda avtomobilin şinlərinə zəncirlər əlavə olunur ki, nəqliyyat vasitəsi sürüşməsin və rahat hərəkət eləsin. Təəssüf ki, həmin günü əksər sürücülər bu vasitələrdən istifadə eləməmişdilər. Yolda qalan sürücülər gileylənirdilər ki, vaxtında yollara duz qarışıq qum tökülsəydi yeddi saat yolda ilişib qalmaz və soyuqdan donmazdıq. Yolda qalan bir çox sürücülər isə artıq yanacaqlarının tükəndiklərini bildirirdilər. Təbii ki, yeddi saat "probka"da qalan avtomobilin gec-tez yanacağı qurtarmalı idi. Bir çox sürücülər isə yol polisi əməkdaşlarını qınayırdılar. Onlar deyirdilər ki, neçə saatdır "probka" yaranıb, bir yol polisi yoxdur ki, hərəkəti tənzimləsin. Belə çətin vəziyyətdə də yol polisi bizə kömək eləməyəndən sonra olar nəyə lazımdırlar? Adi vaxtda bir də görürsən ki, 3-4 yol polisi bir yerdə durub söhbət eləyirlər, amma belə kritik anda heç biri gözə dəymir və yaranmış "probka"nı aradan qaldırmaq üçün köməklik göstərmir.
Təbii ki, insanları, sürücüləri və sərnişinləri qınamaq düzgün deyil. Çünki yeddi saat soyuq havada, qar yağanda "probka"da qalmağın nə demək olduğunu təsəvvür etmək o qədər də çətin deyil. Çətini odur ki, "probka"da qalan insanlara vaxtında heç bir əlaqədar təşkilat yardım eləməyib. Elə yardım eləmədiyinə görə sürücülər qarlı və şaxtalı havada saatlarla yollarda qalıblar. Hətta Bakı-Quba yolunun Sumqayıta qədər olan istiqamətində çıxılmaz vəziyyət yaranıb. Buna görə kim məsuliyyət daşımaladır? Aydındır ki, yuxarıda adlarını qeyd elədiyimiz nazirliklər və qurumlar. Onların isə "Araz aşığından, Kür də topuğundandır". Çünki yolda qalan onlar deyil, sadə insanlardır.
Çox qəribədir ki, qar yağanda bu cür hadisələrin baş verməsi ilk növbədə Bakıda hiss olunur. Hələ biz bölgələrdə nələr və hansı hadisələr cərəyan elədiyini demirik. Əgər Bakıda az qar yağırsa və bundan yüz minlərlə insan əziyyət çəkirsə, təbii ki, bu günahı məsul vəzifəli adamların ayağına yazmaq lazımdır. Hansı ki, onlar qış gəlməmişdən öncə bol-bol vəd verirlər ki, soyuq havalarda heç bir çətinlik olmayacaq və problemlər yaranmayacaq. Noyabr ayında yağan qəfil qar gərək yuxarıda adlarını çəkdiyimiz təşkilatlara xəbərdarlıq olmalı idi. Amma onlar bundan heç bir nəticə çıxarmadılar, bir balaca qar yağan kimi Bakıda hər şey iflic vəziyyətə düşdü; yollarda avtomobillər 7 saat "probka"da qaldı, bir çox yerdə işıqlar yanmadı, qaz gəlmədi, istilik də verilmədi. Təsəvvür edin ki, "Azərbaycan" nəşriyyatı kimi strateji əhəmiyyətli bir obyektdə iki gün saatlarla işıq yanmadı. Noybar ayının 26-sı olmasına baxmayaraq, hələ də otaqlar qızdırılmır. Yəni istilik sistemləri işə düşməyib. Bütün bunlar səhlənkarlıqdır, yoxsa insanlara hörmətsizlik? Bax bunu başa düşmək olmur. Başa düşmək olmur ki, müxtəlif vəzifəli məmurlar niyə ölkənin prezidentini, dövləti və xalqı aldadıb deyir ki, biz qışa tam hazırıq? Bir balaca qar yağan kimi o dəqiqə onların yalanları üzə çıxır: nə işıq yanır, nə qaz gəlir, nə də istilik sistemləri işləyir.
Qarlı havada demək olar ki, bir çox marşrutlar işləmirdi. Müşfiq, Xırdalan və digər şəhər və qəsəbələrə gedən avtobuslar aradan çıxıb gözə dəymirdi. Sərnişinlər isə soyuq və qarlı havada dayanacaqlarda səbirsizliklə onların gəlməyini gözləyirdi. Avtobuslar isə gəlmək bilmirdi ki, bilmirdi. Sərnişinləri gözləməkdən gözlərinin kökü saralmışdı, avtobus sürücülərinin isə səbirləri dağ boyda idi. Yəni dünya onların vecinə deyildi. Soyuqda, şaxtada qalan sərnişinlər idi. Təəssüf ki, ayrı-ayrı şirkətlərə məxsus olan avtobuslar Bakıya bir balaca qar yağanda, yer buz bağlayanda onlar aradan çıxırlar.
Hansı ki, Sovet dönəmində bu cür hava şəraitində bütün nəqliyyat vasitələri çox dəqiqliklə işləyər və insanları soyuq havada dayanacaqda durub gözləməyə imkan verməzdi. Ona görə imkani verməzdi ki, onda sürücüdən tutmuş nazirə qədər hamıda məsuliyyət hissi vardı. Bir balaca kimsə məsuliyyətsizlik eləsəydi, elə həmin günü o adamı işdən qovar və hətta haqqında cinayət işi qaldırardılar. İndi sərnişinin saatlarla qarlı və soyuq havada dayanacaqda durub titrətməsi nə nazirin vecinədir, nə sürücünün vecinədir, nə də avtobusun məxsus olduğu şirkət rəhbərlərinin vecinədir.
Heç cürə başa düşmək olmur. Gərək ölkənin bu mövcud problemini də prezident həll etməlidir. Ayrı-ayrı vəzifəli şəxslər gözləyirlər ki, ölkə prezidenti məsələyə müdaxilə eləsin, kimisə danlasın və kiməsə irad bildirsin, bundan sonra onlar hərəkətə gəlsinlər. Görünür kimlərəsə bir dənə biz lazımdır. O biz onlara dəyməlidir ki, onlar ağrı hiss eləyəndən sonra tərpənsinlər və işlərində dönüş yaratsınlar. Cənab nazirlər, cənab icra başçıları və cənab rəislər, bu millətin soyuq qış günlərində əsəbləri ilə oynamayın. Zəhmət çəkib öz işinizi vaxtında görün. Axı siz buna görə dövlətdən əməkhaqqı alırsınız. Bir də ölkə prezidenti cənab İlham Əliyev həmişə çıxışlarında bəyan edib ki, mən kimisə vəzifəyə təyin edəndə öncə deyirəm ki, xalqa xidmət edin.
Xalqa xidmət etməyən hər hansı məmur və vəzifə sahibi bizcə ilk növbədə elə özünə qarşı hörmətsizlik edir. Sonra dövlətə və sonra da xalqa qarşı hörmətsizlik göstərir. Ona görə də onlar daşı ətəyindən tökməli, mürəkkəb şəraitdə öz xidməti vəzifələrini zəhmət çəkib yerinə yetirməlidirlər. Yerinə yetirmirlərsə, bacarmırlarsa kişilikləri çatıb istefa verməlidirlər. Qoy bacaran adamlar gəlib onların yerini tutsun və xalqa xidmət eləsin. Bizə prezidenti, dövləti və xalqı aldadan nazirlər, icra başçıları və vəzifə sahibləri deyil, prezidentə, millətə və xalqa xidmət edən insanlar lazımdır.
Camaat yenə pis vəziyyətə düşdü, ağır anlar yaşadı və stresslər keçirdi. Bəlkə də Bakıda görünməmiş bir olay baş verdi. Onsuz da şəhərdə sürücülər və sərnişinlər saatlarla "probka"ya düşüblər. Amma buna bir təhər dözə biliblər. Bu dəfəki "probka" isə bəlkə də birinci dəfə idi baş verirdi. Müxtəlif istiqamətlərə hərəkət edən avtomobillər yerindən tərpənmir, arxada və qarşı tərəfdə sıxlıq vardı. Bakının "20 Yanvar" metro stansiyasının yaxınlığından Xırdalana qədər bir "probka" yaranmışdı gəl, görəsən. Kimi axtarırdın, kiminlə əlaqə yaradırdın, deyirdi ki, "probka"ya düşmüşəm çıxa bilmirəm. Biz də fikirləşirdik yəqin yarım saatdan və bir saatdan sonra dost-tanışlarımız və qohumlarımız "probka"dan çıxar. Saatlar ötürdü, vaxt keçirdi əlaqə saxladığımız yaxınlarımız deyirdi ki, hələ "probka"dan çıxa bilməmişəm.
Həmin günü yaxın qohumlarımızdan birini qarşılamaq üçün başqa bir yaxın adamımız təzə Avtovağzala gedirdi. Bir neçə saat keçsə də, həmin qohumumuz hələ avtovağzala çatmamışdı. Deyirdi ki, avatobusdayam "probka"ya düşmüşük. Çox qəribə idi. Elə kiminlə maraqlanırdın, şəhərdəki yaranmış "probka"dan danışırdı. Altı-yeddi saatdan sonra yenidən həmin qohumla əlaqə yaratdım. Dedi ki, təzə avtovağzala çatmışırq, yenə "probka"dı. Ordan piyada "20 Yanvar"a gəlirik. Onlar "20 Yanvar"a gəlirlər və metro stansiyasına az qalmış qohumlarımdan birinin buzlu yerdə ayağı sürüşür və yerə yıxılır. Sonradan məlum olur ki, daşın üzərinə yıxılan qohumumun qabırğası sınıbmış. Bu da qarın bizə verdiyi "hədiyyə". Daha çox yollara xidmət göstərən insanların bizə bağışladığı "bəxşeyiş"ə oxşayır bu.
Deyirəm, nə yaxşı Moskvada, Sankt-Peterburqda, Kiyevdə və digər şəhərlərdə olduğu kimi Bakıya tez-tez qar yağmır. Allah eləməmiş Bakıya tez-tez qar yağsa, gərək onda biz evdən çölə çıxa bilməyək. Çıxanda da ya maşını əzəcəyik, ya da yıxılıb qol-qıçımız sınacaq. Qol-qıç da sındı, maşın da əzildi, ağır vəziyyətdə olan hər hansı adamın işi iki qat çətinləşir. Bilmirsən, maşını düzəldirməyə pul tapasan, yoxsa həkimə gedib sınmış yerini müalicə elətdirəsən. Çünki hər işi aşırmaq üçün bir ətək pul lazımdı. İndiki zəmanədə də pul tapmaq, pul qazanmaq və onu əldə eləmək elə də asan deyil...
Bütün günahlar xidmət təşkilatlarında və ayrı-ayrı qurumlardadır. Hansı ki, hava şəraitinin mürəkkəb keçəcəyi, qar yağacağı və yolların buz bağlayacağı barədə bir neçə gün əvvəl hidrometroloqlar öncədən əlaqədar nazirlikləri, qurumları və idarələri məlumatlandırmışdır. Nəticəsi nə oldu? Bunu hamımız qar yağan günü yaxşı-yaxşı gördük. Gördük ki, nə Bakı şəhər İcra Hakimiyyəti, nə Nəqliyyat Nazirliyinin aidiyyəti qurumu, nə də digər təşkilatlar qışa hazır deyirlər. Çox qəribədir, şəhərə qar yağır və zaman keçdikcə onun qalınlığı artır, yollar buz bağlayır, həmin anda problemi aradan qaldırmağa aidiyyəti təşkilatlar maraq göstərmir. Elə şəhərdə yaranmış "probka"ya da əsas səbəb yolların buz bağlaması idi.
Əgər "20 Yanvar" ətrafında və eləcə də digər istiqamətlərdə yollara vaxtında duz qarışıq qum tökülsəydi, bu problemlər də yaşanmazdı. Nəinki minik avtomobilləri, hətta iri tutumlu avtobuslar belə qarlı gündə "20 Yanvar" istiqamətində hərəkət edərkən sürüşür, idarəetməni itirir və çətin vəziyyətə düşürdü. Bir çox sürücülərin təcrübəsizliyi isə yaranmış vəziyyəti daha da ağırlaşdırır, əlavə problemlər yaradırdı.
Hiss olunurdu ki, müxtəlif xidmət sahələri ilə yanaşı, bir çox nəqliyyat vasitələrinin sürücüləri də qışa hazır deyillər. Onlar avtomobillərin şinlərindən tutmuş, digər lazımi avadanlıqlara qədər bir çox problemləri yoluna qoymamışdılar. Hamıya gün kimi aydındır ki, yollar buz bağlayanda avtomobilin şinlərinə zəncirlər əlavə olunur ki, nəqliyyat vasitəsi sürüşməsin və rahat hərəkət eləsin. Təəssüf ki, həmin günü əksər sürücülər bu vasitələrdən istifadə eləməmişdilər. Yolda qalan sürücülər gileylənirdilər ki, vaxtında yollara duz qarışıq qum tökülsəydi yeddi saat yolda ilişib qalmaz və soyuqdan donmazdıq. Yolda qalan bir çox sürücülər isə artıq yanacaqlarının tükəndiklərini bildirirdilər. Təbii ki, yeddi saat "probka"da qalan avtomobilin gec-tez yanacağı qurtarmalı idi. Bir çox sürücülər isə yol polisi əməkdaşlarını qınayırdılar. Onlar deyirdilər ki, neçə saatdır "probka" yaranıb, bir yol polisi yoxdur ki, hərəkəti tənzimləsin. Belə çətin vəziyyətdə də yol polisi bizə kömək eləməyəndən sonra olar nəyə lazımdırlar? Adi vaxtda bir də görürsən ki, 3-4 yol polisi bir yerdə durub söhbət eləyirlər, amma belə kritik anda heç biri gözə dəymir və yaranmış "probka"nı aradan qaldırmaq üçün köməklik göstərmir.
Təbii ki, insanları, sürücüləri və sərnişinləri qınamaq düzgün deyil. Çünki yeddi saat soyuq havada, qar yağanda "probka"da qalmağın nə demək olduğunu təsəvvür etmək o qədər də çətin deyil. Çətini odur ki, "probka"da qalan insanlara vaxtında heç bir əlaqədar təşkilat yardım eləməyib. Elə yardım eləmədiyinə görə sürücülər qarlı və şaxtalı havada saatlarla yollarda qalıblar. Hətta Bakı-Quba yolunun Sumqayıta qədər olan istiqamətində çıxılmaz vəziyyət yaranıb. Buna görə kim məsuliyyət daşımaladır? Aydındır ki, yuxarıda adlarını qeyd elədiyimiz nazirliklər və qurumlar. Onların isə "Araz aşığından, Kür də topuğundandır". Çünki yolda qalan onlar deyil, sadə insanlardır.
Çox qəribədir ki, qar yağanda bu cür hadisələrin baş verməsi ilk növbədə Bakıda hiss olunur. Hələ biz bölgələrdə nələr və hansı hadisələr cərəyan elədiyini demirik. Əgər Bakıda az qar yağırsa və bundan yüz minlərlə insan əziyyət çəkirsə, təbii ki, bu günahı məsul vəzifəli adamların ayağına yazmaq lazımdır. Hansı ki, onlar qış gəlməmişdən öncə bol-bol vəd verirlər ki, soyuq havalarda heç bir çətinlik olmayacaq və problemlər yaranmayacaq. Noyabr ayında yağan qəfil qar gərək yuxarıda adlarını çəkdiyimiz təşkilatlara xəbərdarlıq olmalı idi. Amma onlar bundan heç bir nəticə çıxarmadılar, bir balaca qar yağan kimi Bakıda hər şey iflic vəziyyətə düşdü; yollarda avtomobillər 7 saat "probka"da qaldı, bir çox yerdə işıqlar yanmadı, qaz gəlmədi, istilik də verilmədi. Təsəvvür edin ki, "Azərbaycan" nəşriyyatı kimi strateji əhəmiyyətli bir obyektdə iki gün saatlarla işıq yanmadı. Noybar ayının 26-sı olmasına baxmayaraq, hələ də otaqlar qızdırılmır. Yəni istilik sistemləri işə düşməyib. Bütün bunlar səhlənkarlıqdır, yoxsa insanlara hörmətsizlik? Bax bunu başa düşmək olmur. Başa düşmək olmur ki, müxtəlif vəzifəli məmurlar niyə ölkənin prezidentini, dövləti və xalqı aldadıb deyir ki, biz qışa tam hazırıq? Bir balaca qar yağan kimi o dəqiqə onların yalanları üzə çıxır: nə işıq yanır, nə qaz gəlir, nə də istilik sistemləri işləyir.
Qarlı havada demək olar ki, bir çox marşrutlar işləmirdi. Müşfiq, Xırdalan və digər şəhər və qəsəbələrə gedən avtobuslar aradan çıxıb gözə dəymirdi. Sərnişinlər isə soyuq və qarlı havada dayanacaqlarda səbirsizliklə onların gəlməyini gözləyirdi. Avtobuslar isə gəlmək bilmirdi ki, bilmirdi. Sərnişinləri gözləməkdən gözlərinin kökü saralmışdı, avtobus sürücülərinin isə səbirləri dağ boyda idi. Yəni dünya onların vecinə deyildi. Soyuqda, şaxtada qalan sərnişinlər idi. Təəssüf ki, ayrı-ayrı şirkətlərə məxsus olan avtobuslar Bakıya bir balaca qar yağanda, yer buz bağlayanda onlar aradan çıxırlar.
Hansı ki, Sovet dönəmində bu cür hava şəraitində bütün nəqliyyat vasitələri çox dəqiqliklə işləyər və insanları soyuq havada dayanacaqda durub gözləməyə imkan verməzdi. Ona görə imkani verməzdi ki, onda sürücüdən tutmuş nazirə qədər hamıda məsuliyyət hissi vardı. Bir balaca kimsə məsuliyyətsizlik eləsəydi, elə həmin günü o adamı işdən qovar və hətta haqqında cinayət işi qaldırardılar. İndi sərnişinin saatlarla qarlı və soyuq havada dayanacaqda durub titrətməsi nə nazirin vecinədir, nə sürücünün vecinədir, nə də avtobusun məxsus olduğu şirkət rəhbərlərinin vecinədir.
Heç cürə başa düşmək olmur. Gərək ölkənin bu mövcud problemini də prezident həll etməlidir. Ayrı-ayrı vəzifəli şəxslər gözləyirlər ki, ölkə prezidenti məsələyə müdaxilə eləsin, kimisə danlasın və kiməsə irad bildirsin, bundan sonra onlar hərəkətə gəlsinlər. Görünür kimlərəsə bir dənə biz lazımdır. O biz onlara dəyməlidir ki, onlar ağrı hiss eləyəndən sonra tərpənsinlər və işlərində dönüş yaratsınlar. Cənab nazirlər, cənab icra başçıları və cənab rəislər, bu millətin soyuq qış günlərində əsəbləri ilə oynamayın. Zəhmət çəkib öz işinizi vaxtında görün. Axı siz buna görə dövlətdən əməkhaqqı alırsınız. Bir də ölkə prezidenti cənab İlham Əliyev həmişə çıxışlarında bəyan edib ki, mən kimisə vəzifəyə təyin edəndə öncə deyirəm ki, xalqa xidmət edin.
Xalqa xidmət etməyən hər hansı məmur və vəzifə sahibi bizcə ilk növbədə elə özünə qarşı hörmətsizlik edir. Sonra dövlətə və sonra da xalqa qarşı hörmətsizlik göstərir. Ona görə də onlar daşı ətəyindən tökməli, mürəkkəb şəraitdə öz xidməti vəzifələrini zəhmət çəkib yerinə yetirməlidirlər. Yerinə yetirmirlərsə, bacarmırlarsa kişilikləri çatıb istefa verməlidirlər. Qoy bacaran adamlar gəlib onların yerini tutsun və xalqa xidmət eləsin. Bizə prezidenti, dövləti və xalqı aldadan nazirlər, icra başçıları və vəzifə sahibləri deyil, prezidentə, millətə və xalqa xidmət edən insanlar lazımdır.