Səfərov gümüş, Orucov bürünc medal qazandı - Yenilənib
Mayın 23-də Mərakeşin Rabat şəhərində cüdo üzrə "World Master" turniri start götürüb.
Adalet.az xəbər verir ki, Beynəlxalq Cüdo Federasiyasının reytinqində yüksək pillələrdə qərarlaşan tatami ustalarının iştirakı ilə keçirilən turnirdə Azərbaycan yığma komandası da 6 nəfərlik heyətlə təmsil olunur. Yarışın ilk günündə 4 cüdoçumuz mübarizəyə qoşulub. Onlardan 60 kiloqram çəki dərəcəsində mübarizə aparan Orxan Səfərov ardıcıl olaraq İsrail, Almaniya və Monqolustandan olan rəqiblərini məğlub edərək finala yüksəlib. Finalda onu Yaponiya cüdoçusu Naohisa Takato gözləyir. 73 kiloqram çəki dərəcəsindəki təmsilçimiz Rüstəm Orucov isə yarımfinala qədər qarşısıalınmaz olsa da, finala çıxış görüşündə rusiyalı rəqibinə məğlub olub. Məğlubiyyətə baxmayaraq, o, bürünc medal şansını saxlayır.
Tatamiyə çıxan digər iki cüdoçumuzdan Nicat Şıxəlizadə 1/4 finalda, ardınca təsəlliverici görüşdə, İlqar Müşkiyev isə ilk mərhələdə məğlub olaraq medal qazanmaq şansını itirib.
Qeyd edək ki, sabah yığmamızın daha iki üzvü - 100 kiloqram çəki dərəcəsində mübarizə aparan Elxan Məmmədov və Elmar Qasımov mübarizəyə qoşulacaq.
***
Orxan Səfərov həlledici görüşdə yaponiyalı rəqibinə məğlub olub. Görüş ərzində heç bir cüdoçu xal qazanmasa da, Səfərova verilən xəbərdarlıqlar sayəsində Takato turniri qalib olaraq tamamlayıb.
Rüstəm Orucov bürünc medal uğrunda görüşdə fransalı rəqibini "ippon"la yenərək turniri üçüncü pillədə tamamlayıb.
Sahib ƏSƏDBƏYLİ
Digər Xəbərlər
19 Aprel 2024 18:19
FHN-in qurumları arasında tennis çempionatı yekunlaşdı
19 Aprel 2024 13:35“Onsuz da oyunları azı 3000 adam izləyir”
18 Aprel 2024 18:45“Qalatasaray” İkardinin alternativini Fransada tapıb
18 Aprel 2024 18:00Karlo Ançelotti Qvardiolaya qarşı unikal göstəriciyə imza atıb
18 Aprel 2024 12:03