ANA SƏHİFƏ / YAZARLAR

SADƏCƏ...

14100    |   2011-03-16 07:54
Şriftin ölçüsü:
A+ Böyütmək
A+ Balacalaşdır

Bu yaxınlarda rayonda olarkən dostlardan biri mənə keçən əsrin 90-cı illərindən üzü bu yana aktuallığını itirməyən iynəli sual verdi:
   
   - Müəllim, doğurdan kim istəyirsə jurnalist ola bilər, kim istəyirsə qəzet-jurnal aça bilər?
   
   Ərz etdiyim kimi bu, bir az iynəli, bir az ironik, bir az da acımalı sual idi.
   
   Sadəlövhcəsinə verilmiş olsaydı, onda mən həmin vətəndaşımıza məsələni bu cür izah edərdim:
   
   1. Jurnalist olmaq üçün ilk növbədə jurnalistika fakültəsini bitirməlisən, bu ixtisasa mükəmməl yiyələnməlisən.
   
   2. Jurnalistika fakültəsində təhsil almadan jurnalist adına yiyələnmək mümkündür. Nadir hallarda bilikli və istedadlı adamlar buna nail olur, hətta jurnalist ixtisasına yiyələnmiş bəzi mətbuat işçilərini də öz yaradıcılıqları ilə üstələyirlər.
   
   3. Kim istəsə jurnalist ola bilməz, ancaq bu adı daşıyar. Çünki indi yaza bilməyib mətbuatda çalışmağın ən münbit dövrüdür. Hətta heç nə yazmasan da sənə jurnalist adını "təsdiqləyən" vəsiqə verən tapılar.
   
   4. Baytardan tutmuş mövsümə uyğun kartof, alma, kömür satan da, hətta nağaraçalan da qəzet və jurnal aça bilər. Qanun buna yol verir.
   
   5. Bu səbəbdən də mətbuatımızın anası ağlar qalıb. Peşəkar jurnalistikanın bütün istiqamətləri üzrə inkişafına nail olmaqdan ötrü müxtəlif tədbirlər, səviyyəli diskussiyalar keçirməkdənsə reketçilik və dilənçiliyə qarşı metodları mükəmməlləşdirmək məcburiyyətində qalmışıq.
   
   6. Hər iki halda gərək adamın özündə bir abır-həya olsun.
   
   Məsələ heç də mənim təsnifatımla bitmir. Çünki bizim başımız gündəlik işə, yazmağa, peşəkar axtarışlara qarışıb hər zaman oxucularımızı düşünərkən, onlar da öz cəbbəxanalarını genişləndirir, ən fırıldaq və dələduz, ən sırtıq və abırsız həvəskarları öz ətraflarına toplayırlar. Elə dəbdəbəli vəsiqələr gəzdirirlər ki, lap Ostap Benderin özü də dirilib gəlsə peşman olar, havalanar, qaçıb altında gizlənmək üçün 12 dənə stul axtarar. Biz bunlardan baş aça bilmərik. Vəsiqə demiş, mən bir qaraçı tanıyıram cibində 8 qəzetin vəsiqəsini gəzdirir. Birini də tanıyıram, 6 qəzetin baş redaktorudur. Ayda bir dəfə çıxanı da var, heç çıxmayanı da.
   
   O gün mənə cox qəribə bir vəsiqə surəti göstərdilər. Ordakı ad-soyadı yazmağımın mənası yoxdur. Mətbuata dəxli olmayanlardandır. Orqanın adı isə cox maraqlıdır: "Qanunun sərtliyi". Nə olsun ki, peşəkar və veteran jurnalistəm. Çaşıb qaldım. Mən qanunun aliliyi ifadəsini eşitmişdim, qanunun sərtliyi... Gerçəkdən belə bir qəzet və ya jurnal mövcuddursa, deməli Ədliyyə Nazirliyində qeydiyyatdan da keçmiş olmalı. Əgər bu jurnalın kriminal (!) şöbəsinin əməkdaşı surətçıxarma üsulu ilə həmin vəsiqəni coxaldaraq etibarlılığını da özü uzadacaqsa, bir lətifədə deyildiyi kimi mülayim olmayıb... neyləyəcəkdi ki? "Qanunun sərtliyi" adlı vəsiqənin (məhz vəsiqənin) üz qabığında təsdiqləyici imza da var: baş redaktor F.Bayramov. Elə beləcə, əziz oxucular, F nöqtə, Bayramov nöqtə.
   
   Vəsiqənin arxa tərəfində isə belə yazılıb: "Jestkost zakona" Altından da başqa dildə, yəni Azərbaycan dilində jurnalistin hüquqları haqqında gurultulu bəndlər. Təbii ki, bu bəndləri oxuyan kənd feldşer-mama məntəqələrinin işçiləri, kitabxana müdirləri, baytarlar, uşaq bağçalarının tərbiyəçiləri qanunların necə sərt olduğunu başa düşəcəklər.
   
   Yadımdan çıxmışdı, vəsiqədə belə bir istiqamətverici cümlə də yazılmışdı: beynəlxalq, ictimai-siyasi hüquqi... Nə isə. Mən bu faktla bir məsələni öyrəndim ki, hər hansı bir redaktorun xəbəri olmadan da onun qəzet və ya jurnalının vəsiqələri adi lotereya bileti kimi əllərdə, ciblərdə gəzər və dəyişər də. Hətta hec kəsin xəbəri, icazəsi olmadan qəzet və ya jurnal düzəldib "yola çixmaq" da mümkündür.
   
   Sadəcə, əziz oxucular...
   
   


YAZARIN ARXİVİ

2017-08-04 : VAMPYRUM
2017-06-16 : DINIŞKA
2017-05-19 : Qarik
2016-06-25 : QARTALI SEVMƏK
2015-09-19 : NOSTALJİ
2015-08-15 : ŞOTA
2015-08-09 : MAFİOZLAR
2015-07-07 : QARTALI SEVMƏK
2014-12-06 : KANYON
2014-08-26 : REGİON
2014-08-23 : REGİON
2014-08-09 : DAHİ
2014-08-02 : QARTALI SEVMƏK
2014-05-31 : SPARTAKiada
2014-03-20 : Novruz küləyi
2014-03-15 : ŞARJ
2014-02-15 : SVOBODA!
2014-01-11 : MİRAJ
2014-01-09 : KARDELEN
2013-09-18 : NEOVENDETTA?
2013-09-14 : I I I İSGƏNDƏR
2013-09-07 : XORA
2013-08-24 : TATUİRİZM?
2013-08-03 : SFİNKS
2013-07-27 : PSİTTAKİFORMES
2013-04-02 : SÖZÜN ŞƏKLİ
2012-10-20 : YUXU
2012-10-18 : STADİON
2012-08-25 : ALDIRMA, KÖNÜL!
2012-08-23 : PİS ADAM YOLDA
2012-05-01 : MAY GÜNÜ
2012-03-03 : VAMPYRUM
2011-08-13 : İki Koşevoy
2011-04-30 : VENDETTA?
2011-03-16 : SADƏCƏ...
2010-10-02 : ATA QATİLLƏRİ
2010-08-14 : YUXU
2010-07-17 : ALDIRMA, KÖNÜL!
2010-06-12 : VAMPYRUM
2010-05-01 : MAY GÜNÜ
2010-04-24 : MONOLOQ
2010-04-03 : SPARTAKiada
2010-02-20 : DERBİ
2009-12-19 : ÇƏTİN SÖHBƏT
2009-10-31 : İMLA QONAQLIĞI
2009-10-10 : SEZARIN QAYITMASI
SON XƏBƏRLƏR
2018-01-21
2018-01-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Təbii qaz limitini keçmisinizmi?

Hə (76.47%)
Yox (23.53%)

ÇOX OXUNAN
GÜNÜN LƏTİFƏSİ
Mollaya xəbər verirlər ki, qayınanasını su aparıb. Molla gəlib girir çaya, başlayır su yuxarı axtara-axtara getməyə. Görənlər soruşurlar ki:
- Ay Molla, bu necə axtarmaqdı? Cənazə su axan tərəfə gedər, ya yuxarı dırmaşar?
Molla deyir:
- Siz onu tanımırsınız. O, elə bir tərs adam idi ki, hökmən yuxarı gedib. Sizin işiniz olmasın, mən bu saat onu tapacağam.




digər lətifələr
ARXİV
FACEBOOK