Yaponiyada robotlar işçilərin çörəyinə şərik çıxırlar
Yaponlar
artıq ictimai məkanlarda robotların xidmətindən yararlanırlar. Adalet.az xarici
mətbuata istinadən xəbər verir ki, Tokionun mərkəzi univermaqlarının birində
xaricən insana çox bənzəyən robot-nəzarətçi işə başlayıb. Onun işi isə nəzakətlə
müştəriləri qarşılamaq və nəyin harda satılmasını göstərməkdir.
Ayko
Tixira adı verilmiş robot-qadın milli paltarda - kimonoda müştəriləri
qarşılayır. Mavi gözləri, qısa saçları var. Üz əzələləri və əlləri hərəkət
edir. Tixira – yaponca "sülh” deməkdir. Ayko isə "ay” idea sözünün ingiliscə oxunuşunun ilk
hecasından götürülüb. "Ko” – kommunikasıya sözündəndir.
Robot
Toshiba şirkəti tərəfindən yaradılıb. Onun hazırlanmasına 10 ay vaxt sərf
olunub. Hazırda şirkət daha 2 modelin hazırlanmasını həyata keçirir.
Robotu əldə
etmək istəyən sahibkarlar bildirirlər ki, o, maddi baxımdan ictimai iaşə
obyektlərinə sərf edir. Belə ki, robota yalnız bir dəfə pul sərf olunur, o da
onu alanda. Ona nə maaş verilir, nə də sosial rifahı düşünülür. Yemək də ki – həftədə
bir dəfə texniki baxışdan keçirilərkən "qidalanır”. Başqa sözlə, canlı işçilər
indidən qara günlərini qablaşdırsınlar.