ANA SƏHİFƏ / YAZARLAR

İŞLƏNMƏMİŞ MÖVZU

18386    |   2010-05-15 01:54
Şriftin ölçüsü:
A+ Böyütmək
A+ Balacalaşdır

Mən rayonda olanda bu gənc adamla tez-tez rastlaşıram. Onu ilk dəfə təxminən 10-12 il bundan əvvəl bir yas məclisindəki mollanın yanında görmüşdüm. İndi yadımdan çıxıb, xoş təsirli avazla nəsə oxuyub hamının diqqətini cəlb etmişdi.
   
   Az sonra mən onu daha yaxından tanıdım. Tale və ya qismət Rövşən adlı bu gənci yeniyetmə yaşlarından ruhani aləmlə bağlayıb, anlaşılan birbaşa mənada desək, molla olub. Tələsib "bu mövzu bizlik deyil" deyə başqa səhifələri bu yazının üstünə örtməyin, məsələ tamam başqadır.
   
   Oxuyun, mən Rövşəni iki vəziyyətdə təsvir edəcəyəm. İş başında, yəni yas məclisini aparanda, bir də "istirahət" günlərində.
   
   
   
   İşdən başlayaq
   
   
   
   Dəvət olunduğu yas məclislərinə vaxtında gələr. Çox zaman piyada, rastlaşdığı həmyerliləri ilə salamlaşa-salamlaşa. Nə saqqal saxlayar, nə də mollalığı uzaqdan bildirən pal-paltar geyinər. Yol gedərkən əlində təsbeh də görməzsən. Hər mövsümə uyğun sadə və səliqəli görkəmi olar. Bəzi mollalar kimi gözləməz ki, tanıyanlar onun qarşısına gəlsin, çalışar ki, özü irəli keçib salam versin, hal-əhval tutsun.
   
   Yas məclislərində süni görünə biləsi bircə hərəkətə belə yol verməz. Sünni-şiə söhbəti və münasibəti də onun ruhani kodeksində yer almır, bütün məclislərə eyni hörmət və etiramla yanaşır. Sual verməsən başqaları kimi o dünyadan - bu dünyadan ekskurslar uydurmaz. Heç vaxt məclisdəkiləri hədələməz ki, namaz qılmayan, oruc tutmayan və digər dini ayinlərə əməl etməyənləri cəhənnəm əzabı gözləyir. Bir çox mollalar kimi fars və ya Türkiyə türkcəsi şivəsində danışmaz, Amerikaya Əmrika, peygənbərə peyğumbər deməz. Təmiz Azəri türkçəsində məclis aparar, dindən sual versələr cavablandırar, yeri gələn də isə Nizamidən, Füzulidən, Sabirdən, Məmməd Arazdan, Əli Kərimdən... şeirlər söyləyər. (Sabirdən sonra gələn adları oxuyarkən yüz faiz təəccübləndiniz, qınamıram, eşitməyincə mən də inanmazdım.) Biologiya, anatomiya, filosofiya onun işi deyil, çünki caamatın başqalarının bu cür "alimliyinə" necə güldüyünü özü də çox görüb.
   
   O, imkan düşən, şərait yaranan kimi məclis iştirakçılarına çox məhrəm şəkildə belə məsləhət və xahişlər edər: "Övladlarınızın təhsili ilə gündəlik maraqlanın, məktəblə əlaqəni möhkəmləndirin, uşaqlarınızı bekar olmağa qoymayın, tez-tez içkinin, nakotikin bəlalarından söhbətlər açın..."
   
   Yas məclislərində gənclərə rast gələndə salamlaşar, bəzən onları adları ilə səsləyib tərifləyər, ağıllı, mərifətli uşaqlar olduğunu camaata da bildirər. Çox vaxt bunu qəsdən edər, stimul yaradar. Gənclərə ata-ana, vətən, ailə məhəbbətinin ucalığından danışar, bütün bunların Allaha xoş getdiyini gözəl misallarla çatdırar. Daha nə cənnət, nə cəhənnəm...
   
   
   
   İstirahət günlərində
   
   
   
   Görürsünüzmü, mən ona molla Rövşən deyə bilmirəm, baxmayaraq müasir dövrün savadlı və qəbul edilən ruhanisidir. Bəli, indi də boş vaxtları barədə. Əslində bunlar boş vaxtlardırmı?
   
   Rövşən imkanlı mollalardan deyil. Onun özü kimi evi də, yaşayışı da sadədir. Allahdansa ucuzbəsər bir maşını da yoxdur. Çox vaxt piyada gəzir. Ancaq onu tanıyanların hansı birinə söz desə günlərlə xidmətində durarlar. Tay-tuşlarından, hətta özündən 4-5 yaş kiçik olan tanışlarından da ayrı gəzib dolanmaz. Bir də görürsən stadionda futbol oynayır və ya parkda şahmat. Dostları ilə çayxanaya, yeməkxanaya, toya-nişana da gedir. İçki içən dostlarından üz döndərmir, ancaq ziyanını da xatırladır. Küçədə, park və bağlarda yersiz hərəkət edən yeniyetmə və gəncləri görəndə onları anlaşılmaz, qəribə misallarla qorxutmur, bir böyük qardaş, hətta təcrübəli bir müəllim kimi yanına çağırıb tanış olur. Bir az zarafat edir, bir az dilə tutur və çox təmkinlə öyüd-nəsihətini çatdırır. Və hər fürsətdə də "Amandı, özünüzü qoruyun, narkotikdən, pis-pis əməllərdən uzaq olun" deyir. Dərslərinizi yaxşı oxuyun, müəllimlərinizin, valideynlərinizin qüruru olun, özünüzü "filankəsə" oxşatmaqdansa, böyük alimlərimizə, yazıçılarımıza, generallarımıza, rəhbərlərimizə oxşadın- uşaqlar ondan bu cür sözlər də eşidib dostlaşırlar, ünsiyyət qururlar.
   
   Rövşənin əlində qəzet-kitab görənlər təəccüblənmirlər, demirlər ki, molla hara, qəzet-kitab hara? Hər məclisdə, hər görüşdə elmli, bilikli olmağın xoşbəxtliyini açıqlayan, "beşikdən qəbrədək oxumaq" fəlsəfəsini xatırladan bu səmimi, mehriban gəncin bir vətəndaş olaraq xidmətləri hansı birimizdən azdır ki? Bir ruhani şəxsin ki, bütün ideyası, əməli vətənin gözəlliyinə, insanların xoşbəxtliyinə, gənclərin sağlamlığına köklənə...
   
   Heç bilisiniz, Rövşən nə qədər gənci pis yollardan çəkindirib, nə qədər gənci düz yola qaytarıb? Özü də heç kəsin qarşısında şətr qoymadan!
   
   Bütün bunlar barədə mənə çox danışıblar, onun adına çox minnətdarlıq ediblər.
   
   Sağ ol, Rövşən! Bu yazını oxuyub heç təəccüblənib eləmə. Halal haqqındır.
   
   
   
   P.S. "İşlənməmiş mövzu" daha çox ali təhsil prossesində - diplom müdafiəsi ərəfəsində yada düşən, söylənilən ifadədir. Köşəyə sərlövhə kimi gətirilməsi sırf bir təsadüfdür.


YAZARIN ARXİVİ

2017-08-04 : VAMPYRUM
2017-06-16 : DINIŞKA
2017-05-19 : Qarik
2016-06-25 : QARTALI SEVMƏK
2015-09-19 : NOSTALJİ
2015-08-15 : ŞOTA
2015-08-09 : MAFİOZLAR
2015-07-07 : QARTALI SEVMƏK
2014-12-06 : KANYON
2014-08-26 : REGİON
2014-08-23 : REGİON
2014-08-09 : DAHİ
2014-08-02 : QARTALI SEVMƏK
2014-05-31 : SPARTAKiada
2014-03-20 : Novruz küləyi
2014-03-15 : ŞARJ
2014-02-15 : SVOBODA!
2014-01-11 : MİRAJ
2014-01-09 : KARDELEN
2013-09-18 : NEOVENDETTA?
2013-09-14 : I I I İSGƏNDƏR
2013-09-07 : XORA
2013-08-24 : TATUİRİZM?
2013-08-03 : SFİNKS
2013-07-27 : PSİTTAKİFORMES
2013-04-02 : SÖZÜN ŞƏKLİ
2012-10-20 : YUXU
2012-10-18 : STADİON
2012-08-25 : ALDIRMA, KÖNÜL!
2012-08-23 : PİS ADAM YOLDA
2012-05-01 : MAY GÜNÜ
2012-03-03 : VAMPYRUM
2011-08-13 : İki Koşevoy
2011-04-30 : VENDETTA?
2011-03-16 : SADƏCƏ...
2010-10-02 : ATA QATİLLƏRİ
2010-08-14 : YUXU
2010-07-17 : ALDIRMA, KÖNÜL!
2010-06-12 : VAMPYRUM
2010-05-01 : MAY GÜNÜ
2010-04-24 : MONOLOQ
2010-04-03 : SPARTAKiada
2010-02-20 : DERBİ
2009-12-19 : ÇƏTİN SÖHBƏT
2009-10-31 : İMLA QONAQLIĞI
2009-10-10 : SEZARIN QAYITMASI
SON XƏBƏRLƏR
2018-04-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
“Bavariya”, yoxsa "Real" Madrid?

“Bavariya” (46.15%)
"Real" Madrid (53.85%)

ÇOX OXUNAN
GÜNÜN LƏTİFƏSİ

Ağdamın birinci katibi (adını çəkmək istəmirəm, çox gözəl insandı, amma lətifə bir az acıdı, xətrinə dəyə bilər) Bakıdan gələn şair və alimləri götürüb aparır Abdal-Gülablıya. Deyir sizi elə bir kəndə aparacam ki, burda hamı söz ustasıdı. Özü də çox qonaqpərvər, səmimi camaatdı, gedək bir az mırt tutaq.

Kəndə çatanda Şakir çıxır qabaqlarına. Maşını saxlayıb düşüb Şakirlə görüşürlər.

Katib dərədə otlayan eşşəkləri göstərib deyir:

- Şakir, o eşşəklər də Gülablıdandı?

Şakir bir katibi, bir qonaqları süzür, qonaqların içində olan Xudu Məmmədovu qonaqlardan ayırır və çəkir öz tərəfinə və deyir:

- Yox, yoldaş katib, qadan alım, onlar da sizin kimi gəlmədilər.





digər lətifələr
ARXİV
FACEBOOK