İsraildə 5 min illik pivə tapılıb
İsrailin
Təl-Əviv şəhəri yaxınlığında arxeoloji qazıntılar aparılan zaman pivə
istehsalına aid qab və ləvazimatlar üzə çıxıb. Adalet.az Rusiya mətbuatına
istinadən bildirir ki, 5 min il yaşı
olan bu ləvazimatlara dağıntılar arasında rastlanıb.
Keramik əşyalar qədim Misir üslubuna uyğun hazırlanıb.
Bundan başqa, əşyaların dibində qatılaşıb
qurumuş pivə qalıqları da aşkarlanıb.
Qeyd edək
ki, qədim Misirdə pivə çörək və sudan
sonra üçüncü yerdə gələn vacib içki sayılırdı. Sosial statusundan, cinsindən və
yaşından asılı olmayaraq hamı pivə içirdi. Qədim misirlilər pivəyə meyvə şirələri
də qatırdılar.