Orxan Fikrətoğlunun Türkiyədə kitabı və filmi hazırlanır
Yazıçı-ssenarist Orxan Fikrətoğlunun Türkiyədə "Müjdə” adlı kitabı nəşrə hazırlanır. Bu barədə O. Fikrətoğlu özü yerli KİV-lərə məlumat verib. Onun sözlərinə görə, hazırda kitabın türkcəyə uyğunlaşdırılması prosesi gedir. Kitabda yeddi hekayə, iki roman və bir kinossenari var.
O.Fikrətoğlu Türkiyə və Azərbaycanda kitab bazarının fərqli inkişaf
etdiyini deyib: "Türkiyədə hələ kitab çıxmayıb, amma mən pulun 70 faizini
almışam. Orada qayda belədir: bir nəşriyyat kitabı buraxır, satacaq təşkilat isə
pulun 70 faizini müəllifə əvvəldən verir. Müqaviləyə görə satışa buraxanda
sonra da mənə pul çatır. 48 yaşım var, amma bu yaşa qədər Azərbaycanda ədəbiyyatından
bir manat da qazanmamışam. Amma Türkiyədə əksinə, kitab çıxmamış, pulun çox
hissəsini almışam”.
O.Fikrətoğlu diqqətə çatdırıb ki, "Müjdə” adlı ssenarisi üzrə də filmin çəkilişləri
isə davam edir. Tam olaraq bu yay başa çatması nəzərdə tututlur.
Yazıçı "Müjdə” ssenarisini özünün Türkiyə tərəfinə təklif etdiyini qeyd
edib: "Öyrəndim ki, Türkiyədə Türkiyə Film Yapımçılar Məslək birliyi fəaliyyət
göstərir. Onların saytına girib, rəhbərinin internet adresinə türk dilində
ssenarimi göndərdim. Bir gün onlardan zəng gəldi və dedilər ki, ssenarini
ekranlaşdıracağıq. Yaradıcı heyətin Türkiyədən olmasını istəyirəm. Çünki Azərbaycan
rejissorlarının işlərini artıq görmüşəm. Və onların potensialına bələdəm. Ona
görə də türk rejissorunun, aktyorlarının olması çox önəmlidir”.