Çelyabinsk polisi hədə-qorxu yolu ilə vətəndaşlardan külli-miqdarda pul tələb edən iki cinayətkarı yaxalayıb.

Saxlananlardan biri kriminal dünyanın Çelyabinsk üzrə "nəzarətçisi”, avtoritet İlham Osmanovdur.

Rusiya Daxili İşlər Nazirliyinin verdiyi məlumata görə, saxlanılanlar Çelyabinskdə yaşayan bir biznesmendən hədə-qorxu yolu ilə 11 milyon rubl və sahibkara məxsus "Wolksvagen Passat” avtomobilini tələb edirmişlər.

Şübhəlilər saxlanılan zaman onların üzərindən tapançaya bənzər əşya tapılıb. Hazırda həmin əşya kriminal ekspertizadadır.