adalet.az header logo
  • Bakı 13°C
  • USD 1.7
27 Fevral 2015 15:43
1169
HADİSƏ
A- A+

Məcburi köçkün meşədə faciəvi şəkildə öldü

Bu gün Bərdə rayonunda ölümlə nəticələnən bədbəxt hadisə baş verib.

Adalet.az Lent.az-a istinadən məlumatına görə, Divanlı kəndi yaxınlığındakı meşə massivində 1956-cı il təvəllüdlü Atakişiyev Tofiq Kamal oğlu irigövdəli ağacın altında qalaraq dünyasını dəyişib.

 

Bildirilir ki, T.Atakişiyev 20 il əvvəl Ağdamın Kolanı kəndindən məcburi köçkün düşüb və Bərdə rayonunda meşəlik əraziyə gələrək burada özünə ev tikib. Bu günlərdə o, yaxınlığındakı ağacın tikdiyi evin üstünə düşə biləcəyini düşünüb və mişarla ağacı kəsib. Nəticədə 59 yaşlı kişi özü ağacın altında qalıb.

 

Faktla bağlı araşdırmalar aparılır.