Səbaildə narkotiklərlə bağlı xüsusi əməliyyat
Bakının Səbail rayonunda narkotiklərlə bağlı əməliyyat keçirilib. Bu barədə Daxili İşlər Nazirliyinin mətbuat xidmətindən məlumat verilib. Məlumata görə, Səbail rayon Polis İdarəsinin 8-ci polis bölməsi əməkdaşlarının həyata keçirdikləri əməliyyat-axtarış tədbirləri nəticəsində Bakı şəhər sakini Rüstəm Axtiyamov tutulub. Ondan 1 kikoqram 610 qram marixuana götürülüb. Oxşar əməliyyat Sumqayıt şəhərində də keçirilib. Baş Narkotiklərlə Mübarizə İdarəsi əməkdaşlarının həyata keçirdikləri əməliyyat-axtarış tədbirləri nəticəsində Sumqayıt şəhər sakini, əvvəllər məhkum olunmuş Fətulla Nurullayevdən 705 qram tiryək götürülüb.