Türkiyə prezidenti Rəcəp Tayyib Ərdoğan Gülən camaatının lideri Fəthullah Gülənin Amerikadan deportasiya edilməsini istəyib.

Bu barədə ölkə başçısı TRT-nin canlı yayımında çıxış edərkən deyib.

Ərdoğan F.Gülənlə bağlı ABŞ-a müraciət edib: "Mənim üçün əsas olan onun ölkədən deportasiya edilməsidir, geri qaytarılması yox. Deportasiya edilsin və Amerika ən azından "Strateji ortağım” dediyi Türkiyəyə qarşı öz öhdəliyini yerinə yetirsin. Belə bir təşkilatın başçısı artıq Amerikada saxlanılmamalıdır. Çünki Amerika-Türkiyə münasibətləri baxış bucağından bu önəmlidir”.