O ki var bağırın!
Hirsinizi həmişə içinizdə boğmayın. Mütəxəssislər
belə məsləhər görürlər. Adalet.az xarici mətbuata istinadən bildirir ki,
amerikalı həkimlərin araşdırmalarına görə, həmişə əsəbini boğan, içəridən özünü
"yeyən" insanlar xərçəng xəstəliyinin müxtəlif növlərinə, xüsusən də
beyin xərçənginə tutula bilərlər. Odur ki, bacardıqca və ya imkan düşdükcə
kimisə "qarmağa” keçirib ona o ki var bağırın. Yaxşı olar ki, hirsinizi elə
sizi əsəbləşdirən adama tuşlayasınız. Əgər bunu edə bilmirsinizsə və ya sizi
dəli edən müdirinizdirsə, başqa "qurban” tapa, bədəbəddə kimsəsiz yerdə boşluğa
qışqıra bilərsiniz.
Ümumiyyətlə,
mütəxəssislər bildirirlər ki, həssas adamlar əsəb xəstəliyinə daha tez tuturlar.
Əsəb zəifliyi
olan şəxslərdə adətən yuxusuzluq halları da müşahidə edilir. Belə şəxslər ilk
növbədə yuxusuzluğa qarşı mübarizə aparmalıdır. Təsirli müalicə üsullarından
biri açıq havada gəzinti, ilıq suyla çimmək, müxtəlif əyləncə ilə məşğul olmaqdır.
Bundan
başqa bir sıra qidalar da əsəblərin möhkəmlənməsində yaxşı təsir göstərir. Buna
görə də, armud, yumurta, süd, düyü, lobya, noxud, kartof, kələm, kahı, alma,
zeytun yağı, təzə xama, pendir, badam içi kimi qida məhsullarını rasionunuzdan əksik
etməyin!