Dövlət Statistika Komitəsindən bildiriblər ki, istehsal edilən məhsulun 70,4 faizi mədənçıxarma bölməsinin, 23,4 faizi emal bölməsinin, 0,7 faizi su təchizatı, tullantıların təmizlənməsi və emalı bölməsinin payına düşür. Həmin müddətdə 38,4 milyon ton xam neft, 17 milyard kubmetr əmtəəlik qaz hasil edilib.

 

Emal bölməsində qida məhsulları istehsalı 0,9 faiz, içki istehsalı 9,1 faiz, geyim istehsalı 65 faiz, toxuculuq sənayesi məhsulları istehsalı 6,7 faiz, kimya sənayesi məhsulları istehsalı 28,3 faiz, tikinti materialları istehsalı 19,8 faiz, hazır metal məmulatlarının istehsalı 10,4 faiz, elektrik avadanlıqları istehsalı 21,8 faiz, idman və tibb avadanlıqları istehsalı 90 faiz artıb.