Adalet.az xəbər verir ki, tədbiri Bakı Musiqi Akademiyasının rektoru, Xalq Artisti, professor Fərhad Bədəlbəyli açıb. 

Tədbirdə Niyazinin əsərlərindən ibarət konsert olub, "Rast. Niyazi” sənədli filmi göstərilib.

Filmin ssenari müəllifi İntiqam Qasımzadə, rejissoru Nonna Müzəffərova, operatoru Əməkdar İncəsənət Xadimi Yuri Varnavski, icraçı prodüseri Əlibala Rəhimovdur.

Filmin bədii rəhbəri Azərbaycanın Xalq Artisti, kinorejissor Eldar Quliyevdir.

Filmdə SSRİ xalq artistləri Tamara Sinyavskaya, Fərhad Bədəlbəyli, Azərbaycanın Xalq Artisti Yalçın Adıgözəlov, Xalq Yazıçısı Anar, digər mədəniyyət və incəsənət xadimləri çəkiliblər.

Filmin çəkilişləri Azərbaycanda, Türkiyədə və Rusiyada aparılıb. Film üzərində işləyərkən Niyazinin ev-muzeyinin fondundakı sənədlərdən istifadə edilib.