Naməlum obyekt ABŞ-ı çaxnaşmaya saldı
ABŞ-ın Nyu-York şəhərindəki azadlıq heykəlinin üzərində naməlum
uçan obyekt müşahidə edilib. Bununla bağlı videonu Skott Kensinqton adlı
vətəndaş öz youtube səhifəsində yerləşdirib. O, həyat yoldaşının, heykəlin
görüntüsünü çəkdiyi zaman videoda naməlum obyekt qeydə aldığını iddia edir.
Videoda görünən obyekt yumru formadadır, o bir müddət havada asılı vəziyyətdə
qalır.
ATVxəbər.az bildirir ki, internet
istifadəçiləri bu barədə müxtəlif fikirlər yazıblar. Onlar bu obyektin yer
səthini çəkən aparat olması versiyasını irəli sürsələr də videonun müəllifləri israrla
öz fikirlərindən dönməyərək obyektin məhz yadplanetlilərə aid olmasını
vurğulayib və bunu kürənin birdən birə yoxa çıxması ilə izah ediblər
Qeyd edək ki, bir qədər əvvəl belə bir görüntü Böyük Britaniyada çəkilmişdi.
Orda iki nəfər səmada rəngdən rəngə çalan qəribə obyekt görərək onu lentə
almışdılar. (Atvxəbər)