Fətullah Gülən prezidentlərin sirrini açdı
"Hamı
özünü firon zənn etməyə başlayar, amma onların aqibətinin nə olduğu da bəllidir”.
Bu fikri nurçuların
lideri Fətullah Gülən ötən gün Türkiyədə "paralel yapı”ya qarşı polisin
apardığı əməliyyatlara münasibət bildirərkən deyib. Ad çəkməsə də, prezident
Rəcəb Tayyib Ərdoğanı nəzərdə tutan Gülən onun haqqında tənqidi fikirlər səsləndirib: "Fironlar
"boğacam, əzəcəm” dedikləri yerdə özləri əzilirlər”, - deyə tövsiyələrdə
bilinan Gülən Türkiyənin 8-ci prezident Turqut Özalı nümunə göstərib. Mərhum
Turqut Özalın Asiya sədərinə çıxdığı zaman ona belə xəbər yolladığını
xatırladıb: "Mən sizin üçün gedirəm. Bəs bu dostlar niyə gəlmirlər?” - deyərək
Asiyadakı bütün dövlətləri gəzib.
"Allah ona
elə gözəl iş gördürdü ki, vətənə qayıdandan bir-iki gün sonra ruhunun
üfüqlərinə qovuşdu. Allah ona bunu nəsib etdi və minlərlə insan göz yaşı ilə
onun dəfn mərasimində iştirak etdi”, - deyə baş nurçu vurğulayıb.
Gülən Türkiyənin
9-cu prezidenti Süleyman Dəmirəllə bağlı da dilini dinc tutmayıb:"Bu bir sirdir,
söyləmək bəlkə də doğru deyil. Amma mən
bunu demədən rahat ola bilməyəcəm. Süleyman Dəmirəl bəlkə 20 dövlət başçısına
məktub yazdı. Mən heç bir dövlət başçısının belə bir şey edəcəyini ehtimal
etmədim, bundan sonra da belə olacaq. Məktubun altına imzasını qoydu. Üstünə
isə yazdı ki, siz dövlət başçısına nə doldurursunuz, doldurun. İndi bunları
görməzliyə vurmamaq lazımdır”.
Abdulla
Gülə də "papaq” atan nurçu lider onun da dəstək üçün müxtəlif yerlərə zənglər
etdiyini bildirib: "Amma məsələ bunların dəstəyində deyil. Əsasən səbəblər planında o işi üzərinə götürəcək, o
boyunduruğa boyun əyəcək fədakar insanlar var idi”.
Qeyd edək ki, ötən gün İstanbul
polisinin "paralel yapıya” qarşı apardığı "Şafak” adlı əməliyyatda "Zaman”
qəzetinin baş redaktoru Əkrəm Dumanlı və "Samanyolu” televiziyasının baş
direktoru Hidayət Karaca da daxil olmaqla, xeyli sayda insan həbs olunub.