Bakı 16°C
“Aydın səs” müsabiqəsinin qalibi açıqlandı
"Aydın səs”
bədii qiraətçilər müsabiqəsinin qalibi bəlli olub. Adalet. az xəbər verir ki, Azərbaycan
Dövlət Mədəniyyət və İncəsənət Universitetinin (ADMİU) magistri Rzayeva Pərvanə
770 balla qalib elan edilib. Çıxışları Azərbaycanın tanınmış incəsənət
xadimlərindən ibarət münsiflər heyəti dəyərləndirib.
Ümumilikdə 500 nəfərin qatıldığı müsabiqədə iştirakçılar əruz, heca vəznində,
sərbəst şeirdə qabiliyyətlərini göstərərək, məşhur bədii əsərlərdən monoloqlar
söyləyib, dublyajda müxtəlif obrazları canlandıraraq aktyorluq məharətlərini
nümayiş etdiriblər. Sonda 4 nəfər final mərhələsinə keçərək birincilik uğrunda
mübarizə aparıb.
"Aydın
səs” qiraətçilər müsabiqəsi Azərbaycan teleməkanında şeir və nəsr
yaradıcılığının geniş təbliği, bədii qiraət ifaçılarının yeni, gənc nəslinin üzə
çıxarılması, aydın tələffüzü olan, səlis danışıq tərzinə malik gənclərin
aşkarlanması və yetişdirilməsi, ədəbi mühitin inkişafı məqsədilə təşkil olunan
ilk layihədir.
