Azərbaycan Dövlət İqtisad Universitetində keçirilən görüşdə Fondun icraçı direktoru Oktay Səmədov iştirakçılara Fond haqqında geniş məlumat verib. O.Səmədov bildirib ki, cəmiyyətin maarifləndirilməsi işində iştirak etmək hər kəsin vətandaşlıq borcudur. Xüsusən ali məktəb müəllimləri və tələbələrini bilikləndirmə missiyasına qoşulmağa dəvət edən icraçı direktor Bilik Fondunun Dövlət İqtisad Universiteti ilə birgə layihələr həyata keçirəcəyini deyib. 

Tədbirdə Bilik Fondunun fəaliyyətini əks etdirən slayd nümayiş olunandan sonra Fondun əməkdaşları tələbələrin sullarını cavablandırıb. 

Azərbaycan Dövlət Neft Akademiyasında keçirilən görüş də maraqla qarşlanıb. ADNA-nın müəllim və tələbə heyəti Bilik Fondu ilə əməkdaşlığa hazır olduqlarını deyiblər. O.Səmədov Akademiyanın müəllimlərini Azərbaycanın müxtəlif bölgələrində yerləşən orta məktəblərdə mühazirə deməyə dəvət edib. Bu təklif ADNA-nın rəhbərliyi tərəfindən müsbət qarşılanıb.