Turkvizyon 2014 mahnı müsabiqəsinin qalibi Qazaxıstan oldu
Turkvizyon
2014 mahnı müsabiqəsinin qalibi qazaxıstanlı müğənni Zanar Duqalova olub.
Adalet.az Rusiya mətbuatına istinadən xəbər verir ki, Tatarıstanın Kazan
şəhərində baş tutmuş müsabiqədə Z. Duqalova 225 xalla qalib gəlib. İkinci yeri
isə 201 xalla tatar Aydar Süleyman qazanıb. Vokalistlərin səslərini münsiflər
heyətində hər türkdilli xalqdan təmsil olunan nümayəndə dəyərləndirib.
Finalda
15 iştirakçı çıxış edib. Azərbaycan bu yarışda "Azərbaycanın səsi”
yarışmasının qalibi Elvin Ordubadlı ilə təmsil olunub. O, müsabiqədə Türkiyədən
olan Ayşə Birgül Yılmaz və əməkdar artist Elza Seyidcahanın yazdığı "Nəhənglərin
tənhalığı” adlı mahnı ilə çıxış edib.
Qeyd
edək ki, Turkvizyon Eurovision
yarışmasına alternativ olaraq yaradılıb. İlk müsabiqə ötən il Türkiyənin
Eskişehir şəhərində keçirilmişdi.