Qalmaqallarla yaddaqalan Premyer Liqanın XII turu çərçivəsində "İnter" - "Xəzər Lənkəran" matçında xoşagəlməz hal yaşanıb. Sportal.az xəbər verir ki, "Bankirlər"in 3:1 hesablı qələbə qazandıqları oyundan sonra paytaxt təmsilçisinin baş məşqçisi Kaxaber Tsxadadze cənubluların məşqçi korpusuna qeyri-etik jest göstərib.
Gürcüstanlı mütəxəssisin bu hərəkətindən sonra "Xəzər Lənkəran"ın nümayəndəsi Yunis Hüseynov onu sakitləşdirməyə çalışıb. Emosiyalarını cilovlaya bilməyən Tsxadadze ona da yumruq atıb.