Gizli xəstəliklərin xarici əlamətləri
Bəzən xarici görkəmimizdə qəfil
yaranan qüsurları kosmetik vasitələr və geyimlərlə gizlətməyə çalışırıq. Amma
xarici orqanlar əslində daxilimizin güzgüsüdür. Başqa sözlə, sahibini xəbərdarlıq
etmək istəyir. Adalet.az rus mütəxəssislərin araşdırmalarına istinadən təhlükəli
xəstəliklərin bəlirtiləri olan bəzi əlamətləri diqqətinizə çatdırır:
1. Yetkin adamda sızanaqlar - əgər
yeniyetməlik yaşını çoxdan adlamısınızsa, buna baxmayaraq üzünüzdə sızanaqlar çəkilmirsə,
o zaman hormonal, qaraciyər və mədə-bağırsaq problemləriniz var.
2. Tökülən saçlar - ən yaxşı
şampunlardan istifadə etmənizə, düzgün qidalanmanıza rəğmən, saçlarınız çəngə-çəngə
tökülürsə, anemiya (qanazlığı) və qalxanvari vəzidən əziyyət çəkirsiniz.
3. Şişkin qarın – fitness klublarda ətək-ətək
pul xərcləyib, üstəlik canınıza da rəhm etmədən idmanla məşğul olursunuz, amma
yenə də qarın nahiyənizi "əridə” bilmirsiniz? Deməli, qarın boşluğunuz təhlükəli
siqnallar verir: xüsusən astsit (qarın boşluğuna su yığılması), kista və şişlər
ola bilər. Ən azından bağırsaq pozuqluğundan narahatsınız ki, o da nəticədə köp
yaradır. Həm də qaraciyərinizdə böyümə
ola bilər.
4. Göz ətrafında qara halqalar - əgər
hər gün gözətrafı halqaları korrektə etməklə məşğulsunuzsa, səhhətinizə "barmaqarası”
baxanlardansınız. Birbaşa müayinəyə! Ümumi qan analizi verməlisiniz. Orqanizmdə
iltihabi proseslər ola bilər. Bundan başqa, böyrək, ürək çatışmazlığı və mədəaltı
vəz problemləri də gözün altında "xəbərdarlıq” qoya bilər.
5. Tüklənmə - epilyasıya və digər
kosmetik prosedurlar yaramır? Arzuolunmaz tüklər üz və bədəninizdə baş alıb
gedir? Elə isə qadın orqanlarınızı yoxlatdırın. Güman ki, yumurtalıqlarınızın fəaliyyəti
pozulub. Daha pisi – polikistoz, kista, fibroma və nəhayət, bədxassəli şiş ola
bilər!
6. Qızarmış gözlər - əgər düşünürsüzsə gözlərini qızarması yorğun iş günündən və kompüter qarşısında çox oturmaqdandır, yanılırsınız. Davamlı qızartıların səbəbi daha xoşagəlməz ola bilər: gözünüzdə təzyiq ola bilər ki, müalicə almadıqda geri dönüşü olmayan korluqla nəticələnə bilər. Revmotoloqla da məsləhətləşin. Ola bilsin ki, artritin bəzi növləridir, onlar da gözə qızartı verir.
7. Həddən artıq tərləmə - Tər əleyhinə
vasitələrlə bu problemi ört-basdır etməyə çalışmayın. Ürək qüsuru –
stenokardiya və periokardit tərləməni artıran xəstəliklərdəndir. Şəkər xəstəliyi
də tər vəzilərinin fəaliyyətini artırır. Bundan başqa, daxili sekresiya vəzilərinin
zədələnmələri də normadan artıq tərləməyə yol açır.
Üz və bədəndə əlamətlər adi
yorğunluqdan və stressdən də yarana bilər. Məqsəd oxucuda narahatlıq yaratmaq
deyil, sadəcə müayinədən keçmək, problem varsa, onları aradan qaldırmaq
xeyrinizə olar.