Honduraslı gözəlin müəmması
Hondurasın buiki gözəli adını qazanmış Mariya Xose Alvarado
və onun bacısı Sofiya bu günlərdə yoxa çıxıblar. Adalet.az xarici mətbuata
istinadən xəbər verir ki, bacılar istirahət mərkəzində təşkil olunmuş bayram
tədbirindən sonra itkin düşüblər. Hələlik onların harada olduğu məlum deyil.
Amma Honduras polisi qızları oğurlamaqda şübhəli bilinən 4 nəfəri göz altına
alıb. Buna qədər isə 10 nəfər şübhəli
qismində saxlanılsa da, barələrində dəlil yetərsizliyi səbəbindən onlardan 6-sı
buraxılmışdı. Saxlanılanlardan biri Sofiyanın sevgilisi, digəri isə istirahət
mərkəzinin rəhbəridir. Buna baxmayaraq, polislər qızların məhz oğurlanması ilə
bağlı dəqiq faktlar da əldə edə bilməyib, başqa sözlə bacıların necə və hara
yoxa çıxdığı əsl müəmmaya çevrilib.
Qeyd
edək ki, M.X.Alvarado dekabrda Londonda keçiriləcək Kainat Gözəli yarışmasında
iştirak etmək üçün yaxın günlərdə İngiltərəyə uçmalıydı.
Honduras
təhlükəlilik baxımından dünyanın ən arzuolunmaz ölkələrindəndir. Xüsusilə 2012-ci
ildə oğurlanıb öldürülmə sayı həddindən artıq çoxalmışdı. Qətllərin 70 faizi
isə narkoticarət səbəbindən baş verir.