adalet.az header logo
  • Bakı 14°C
  • USD 1.7
01 Noyabr 2014 11:10
4080
DÜNYA
A- A+

Gürcüstan hökumətində həyəcan

Gürcüstanda keçmiş iqtidar, hazırda müxalif partiya olan eks prezident Saakaşvilinin yaratdığı "Vahid Milli Hərəkat”ın (VMH) 15 noyabrda geniş miqyaslı etiraz aksiyası keçirəcəyi anonsu hazırki höküməti təşvişə salıb.

ANS PRESS-in məlumatına görə, bir sıra məsələlərdə hökümətə narazılıqlarını bildiricəkləri barədə miqyaslı aksiya anonsunu Saakaşvili özü 31 oktyabrda "İmedi” kanalında verib. 

İqtidar dərhal anonsa reaksiya verib. Ölkənin baş naziri İrakliy Qaribaşvili bu barədə şərh verərkən, hakimiyyətin çevriliş və təxribat yönlü fəaliyyətə icazə verməyəcəyini bildirib.

"Gürcüstan hökuməti ölkədə qeyri-sabitliyə və çevrilişə heç vaxt imkan verməyəcək. Bizdə VMH partiyasının daima dövlətə qarşı planlar qurduğu barədə məlumatlar var, lakin hakimiyyət buna çox sərt cavab verəcək”- deyə Qaribaşvili bildirib. 

Qeyd edək ki, bundan əvvəl Gürcüstan Daxili İşlər Nazirliyi hakimiyyətin ələ keçirilməsi planı qurmaq faktına əsasən "Milli Hərəkat”a qarşı cinayət işi açdığını elan etmişdi. Daxili İşlər nazirinin müavini Levon İzoriya bildirmişdi ki, cinayət işi Gürcüstan CM-in 315-ci maddəsi (konstitusion nizamın güc yolu ilə dəyişdirilməsi barədə fəaliyyət və ya üsyan qaldırılması) ilə iş açılıb.