Noyabrın 5-6-da Mədəniyyət və Turizm Nazirliyi, Azərbaycan
Milli Elmlər Akademiyası və Azərbaycan Teatr Xadimləri İttifaqının
təşkilatçılığı ilə III Bakı Beynəlxalq Teatr Konfransı keçiriləcək. Adalet.az Mədəniyyət
və Turizm nazirıliyinə istinadən xəbər verir ki, "Azərbaycan
teatrı 2009-2019-cu illərdə" Dövlət Proqramına uyğun olaraq təşkil edilən
konfrans dünyanın nüfuzlu teatr qurumlarının təmsilçilərini və mütəxəssisləri
bir araya gətirəcək. Konfransda ASSİTEJ (Uşaq və Gənclər Teatrları Beynəlxalq
Assosiasiyası), UNİMA (Beynəlxalq Kukla Teatrları Assosiasiyası), İTİ
(Beynəlxalq Teatr İnstitutu), OİSTAT (Teatr Rəssamları, Texniki İşçilər və
Memarların Beynəlxalq Təşkilatı), İFTR (Beynəlxalq Teatr Tədqiqatları
Federasiyası) kimi nüfuzlu təşkilatların baş katibləri və prezidentlərinin,
eləcə də plenar iclaslarda müəyyən edilən mövzular üzrə nüfuzlu mütəxəssislərin
məruzələrlə çıxış edəcəyi gözlənilir.
Qeyd edək ki, III Bakı Beynəlxalq Teatr
Konfransına ABŞ, Böyük Britaniya, Kanada, Fransa, İtaliya, CAR, Hollandiya,
Avstraliya, İrlandiya, Rusiya, BƏƏ, İspaniya, Mərakeş, Kuba, Ukrayna, Polşa,
Türkiyə, Estoniya, Gürcüstan, Bolqarıstan, Almaniya, Yunanıstan, İsrail,
Küveyt, Makedoniya, Oman, Suriya, Finlandiya, Bəhreyn, Avstriya, Hindistan,
İraq, İran, Litva, Qazaxıstan, Səudiyyə Ərəbistanı, Rumıniya, Kolumbiya və s.
ölkələrdən nümayəndələrə qatılacaq. Dünya teatr sənətinin müasir problemləri
elmi müstəvidə təhlil olunacaq, mütəxəssislər fikirlərini bölüşəcəklər.
Tədbir
çərçivəsində "Müasir teatrşünaslıq" (akademik Nelli Korniyenko,
Ukrayna), "Rejissor və aktyor sənəti" (Paddi Kannin, Böyük
Britaniya), "Səhnəqrafiya" (İosif Yuçupov, ABŞ və Luis Yansen,
Hollandiya) mövzularında treninqlər keçiriləcək, fikir mübadiləsi aparılacaq.
Xatırladaq
ki, Bakıda ilk beynəlxalq teatr konfransı 6-7 noyabr 2010-cu il tarixdə, ikinci
forum isə 5-6 noyabr 2012-ci il tarixdə keçirilib və beynəlxalq sənət
dünyasında böyük maraq doğurub.
Dövlət
Musiqili Teatrında gerçəkləşəcək budəfəki konfrans «Teatr sənətinin
multikulturalizm-universal dəyərlər sistemində yeri» mövzusuna həsr olunub.
Beynəlxalq
konfransla yanaşı, noyabrın 4-də və 7-də treninqlər də təşkil
olunacaq. Noyabrın 4-də keçiriləcək mətbuat konfransında tədbirin
proqramı barədə geniş məlumatın veriləcək.