adalet.az header logo
  • Bakı 12°C
22 Oktyabr 2014 13:10
3677
SAĞLAMLIQ
A- A+

Qanunsuz fəaliyyət göstərən 13 aptekin fəaliyyəti dayandırılıb

Bu ilin 9 ayı ərzində Səhiyyə Nazirliyi tərəfindən Azərbaycanda 90 aptekdə yoxlamalar keçirilib.


Səhiyyə Nazirliyinin DərmanVasitələrinin Analitik Ekspertizası Mərkəzinin Dərmanların keyfiyyətinə nəzarət inspeksiyasının rəisi Pərviz Əzizbəyov Apa-ya açıqlamasında deyib ki, bu yoxlamaların 75-i planlı, 15-i isə plandankənar olub.

P. Əzizbəyov qeyd edib ki, yoxlamalar nəticəsində ölkə üzrə 13 aptekin qanunsuz fəaliyyət göstərdiyi aşkarlanıb və onların fəaliyyəti dayandırılıb. Nazirlik rəsmisinin sözlərinə görə, həmin apteklərlə əlaqədar İnzibati Xətalar Məcəlləsinin 64.1 maddəsi ilə müvafiq cərimə protokolları tərtib edilib: "Bu gün ölkədə ümumilikdə 1857 aptek fəaliyyət göstərir. Onların yarısı özəl, yarısı dövlət müəssisələridir”.