Litva xarici işlər naziri Linas Linkyaviçus Azərbaycana rəsmi səfərə gəlib.

APA-nın xəbərinə görə, litvalı nazir Azərbaycan prezidenti İlham Əliyev, həmkarı Elmar Məmmədyarov və digər rəsmi şəxslərlə görüşlər keçirəcək.

Sabah qonaq Şəmkir şəhərinə yola düşəcək və Azərbaycan-Litva hökumətlərarası komitəsinin iclasına sədrlik edəcək. Tərəflər Şəmkir və Vilnüs şəhərlərinin qardaşlaşması barədə sənəd də imzalayacaqlar.

Səfər oktyabrın 23-də başa çatacaq.