Facebook şirkəti ABŞ hökumətinə xəbərdarlıq etdi
Facebook şirkəti ABŞ hökumətini saxta hesablar (akkaunt) istifadə etməməyə
çağırıb. Adalet.az xarici mətbuata istinadən xəbər verir ki, Facebook-un Təhlükəsizlik
xidmətinin rəhbəri Co Sallivan hökumət nümayəndələrinin də adi istifadəçilər kimi real
akkauntlardan istifadə etməli olduğunu qeyd edib. Sallivanın "Associated Press”
agentliyinə verdiyi məlumata görə, daha çox ABŞ-ın Narkotika ilə Mübarizə İdarəsi
təhqiqatlar aparmaq üçün sözügedən sosial şəbəkədə xeyli saxta hesab açıb. Onun sözlərinə görə belə saxtalıqlar
Facebookun istifadəçilər arasında etibarını aşağı salır və nəticədə onların bu
sosial şəbəkədən uzaqlaşmasına gətirib çıxarır.
Şirkət hətta qadın istifadəçilərdən birinin şikayəti ilə saxta
hesablı Mübarizə İdarəsinin əməkdaşını məhkəməyə də verib.