Bir neçə gündür ki, ölkə mətbuatında məşhur italiyalı futbolçu Cennaro Qatuzzonun Azərbaycanda çalışmaq istədiyi barədə xəbərlər dolaşır. Bu gün isə KİV-lərdə Qatuzzonun 21 yaşlılardan ibarət yığmamızı çalışdıracağı, artıq onunla ilkin razılığın əldə olunduğu ilə bağlı xəbər yayılıb. Adalet.az məsələni dəqişləşdirmək üçün AFFA-nın mətbuat xidməti ilə əlaqə saxlayıb. Federasiya sözçüsü Firuz Abdulla xəbərin dezinformasiya olduğunu bildirdi: " KİV-lər bu "mifik mənbələr"i hardan tapırlar axı?!. Tamamilə əsassız xəbərdir. Qatuzzo müsahibələrinin birində Azərbaycanda çalışacağını deyib. Səbəb olaraq da fərqli mədəniyyətlərlə tanış olmaq istədiyini bildirib. Ancaq bu o anlama gəlmir ki, AFFA onu millinin başına gətirməkdə maraqlıdır".