Bakı Metropoliteninin xidmətindən istifadə edən sərnişinləri yeniliklər gözləyir. "Bakı Metropoliteni” QSC-nin ictimaiyyətlə əlaqələr şöbəsinin müdiri Nəsimi Paşayev lent.az- bildirib ki, yeni metrostansiyalar üçün alınacaq qatarlarda havalandırma sistemi olacaq.

Metropoliten sözçüsü qeyd edib ki, Bakının metrostansiyalarında hazırkı qatarlarda kondisonerlərin quraşdırılması qeyri-mümkündür: "Tunellerdə havalandırma sistemi mövcuddur. Amma hazırda istifadə edilən qatarlarda isə istehsalçı zavod tərəfindən kondisonerlər quraşdırılmayıb”.

N. Paşayev vurğulayıb ki, metropoliten gələcəkdə vaqon parkını yeniləyək: "Bundan sonra isə ölkəmizə yeni vaqon qatarlar gətiriləcək. Həmin vaqonlarda kondisonerlər sistemi də olacaq”.


Qeyd edək ki, vətəndaşların metro ilə bağlı daha çox narazılıq etdiyi məsələ qatarlarda havalandırma sisteminin olmamasıdır.