Deputatlarımız beynəlxalq tədbirə qatılacaqlar
Milli Məclisin deputatları Rüfət Quliyev və Fəzail Ağamalı "Həyatın təhlükəsizliyi naminə yollarda təhlükəsizlik” mövzusunda V beynəlxalq konqresdə iştirak etmək üçün sentyabrın 23-də Rusiya Federasiyasının Sankt-Peterburq şəhərinə səfər edəcəklər. MM-dən verilən məlumata görə, tədbir MDB Parlamentlərarası Assambleyasının, Rusiya Federasiyası Federal Məclisi Federasiya Şurasının və ölkənin Daxili İşlər Nazirliyinin birgə təşkilatçılığı ilə həyata keçirilir. Konqresdə yollarda gənc nəslin təhlükəsizliyinin təmin olunması, gənclər arasında yol nəqliyyat xəsarətləri ilə bağlı problemlərin həlli məsələləri müzakirə olunacaq. Tədbir çərçivəsində beynəlxalq hüquqi sənədlər əsasında yol hərəkəti sahəsində qanunvericiliyin təkmilləşdirilməsi, yol hərəkətinin təhlükəsizliyinin təmin edilməsi istiqamətində dövlət siyasətinin prioritetləri və digər mövzularda dəyirmi masalar keçiriləcək. Səfər sentyabrın 28-də başa çatacaq.
Digər Xəbərlər
25 Aprel 2024 09:10
Prezident sülhməramlıların Qarabağı tərk etməsinin detallarını AÇIQLADI
25 Aprel 2024 09:00"Dövlət sərhədimizin 10 və ya 12 kilometri artıq delimitasiya olunub" - Prezident
24 Aprel 2024 20:48Ali qonağın şərəfinə dövlət ziyafəti - YENİLƏNİB
24 Aprel 2024 18:53Qırğızıstan Prezidenti Sadır Japarov Bakıda şəhidlərin xatirəsini andı
24 Aprel 2024 18:49