Tarix İnstitutu elmi Şura keçirib
AMEA-nın Əsas Binasının ikinci mərtəbəsindəki zalında "Əsrin müqaviləsi”nin bağlanmasının 20 illiyinə həsr olunmuş AMEA A.A.Bakıxanov adına Tarix İnstitutu Elmi Şurasının genişləndirilmiş iclası keçirilib. Şurada xalqımızın tarixi taleyində mühüm rol oynamış "Əsrin müqaviləsi”nin bağlanması prosesində yaşanmış tarixi proseslərin təhlilinə geniş yer verilib. Şurada, həmçinin t.ü.f.d. Ərəstun Mehdiyevin "Əsrin müqaviləsi: Azərbaycan neft strategiyasının təməl daşı” monoqrafiyasının təqdimatı keçirilib. Monoqrafiyada "Əsrin müqaviləsi”nin imzalanmasını şərtləndirən amillər, Azərbaycan hökuməti ilə xarici şirkətlər arasında danışıqlar prosesinin mərhələləri və tərəflərin mövqelərinin uzlaşdırılması sahəsində meydana çıxan problemlər, Azərbaycanın bölgədəki müxtəlif geosiyasi maraqların tarazlaşdırılması və öz mənafelərini qorumaq üçün göstərdiyi səylər, habelə müqavilənin əsas müddəaları sistemli şəkildə araşdırılır və təhlil olunur. İclasda çıxış edən Elmi Şuranın sədri, AMEA-nın müxbir üzvü, əməkdar elm xadimi Yaqub Mahmudov ulu öndər Heydər Əliyevin uzaqgörən düşüncəsinin məhsulu olan "Əsrin müqaviləsi”ni dünyanın nüft diplomatiyası tarixində böyük dönüş, ağlasığmaz qələbə adlandırdı. Yaqub Mahmudov müqavilənin Azərbaycanın müstəqilliyinin qorunub saxlanılmasında, dünyaya tanıdılmasında olduqca mühüm addım olduğunu qeyd edib
Digər Xəbərlər
18 Aprel 2024 10:58
Naxçıvanın su ehtiyatlarının həcmi açıqlandı
18 Aprel 2024 10:13Şənbə günü Bakıda iməcilik keçiriləcək
17 Aprel 2024 12:56Sabah 28° isti olacaq
17 Aprel 2024 12:24Azərbaycanda ailə məhkəmələrinin yaradılması təklif olunur
17 Aprel 2024 12:16