Qələm adamlarına müjdə
Artıq
yazar və şairlər nəşr etdirdikləri kitablarının yayım və reklamı ilə bağlı
qayğılardan uzaq olacaqlar. Azərbaycan Yazıçılar Birliyindən (AYB) Adalet.az-a verilən
məlumata görə, ötən gün təqdimatı həyata keçirilən "AybKitab” layihəsi
vasitəsilə təkcə Yazıçılar Birliyinə üzv olan ədiblər deyil, kənar müəlliflər də
kitablarını nəşr etdirə biləcəklər. "Amma Yazıçılar Birliyinə üzv olan ədiblərdən
fərqli olaraq onlar müəyyən qədər maddi vəsait ödəməli olacaqlar. Hələlik bu
mexanizm hazırlanır. Yaxın zamanlarda ödəniləcək məbləğin tam və ya qismən
olması ilə bağlı dəqiq informasiya veriləcək”, - deyə qurumdan bildirilib.
Qeyd edək
ki, "Aybkitab”
layihəsi çərçivəsində bu loqo altında
kitabların nəşri, online satışı, təbliği, çap olunmuş kitabların müəllifləri ilə
imza günlərinin keçirilməsi, yeni müəlliflərin oxuculara tanıdılması, bölgələrdə
onlarla görüşünün təşkili həyata keçiriləcək. Eləcə də satışdan cəmlənən vəsaitlə
müəlliflərə qonorar ödəniləcək.