Jurnalist Obamanı ittiham edib
Ötən gün internetdə yayılmış video görüntüdə amerikalı jurnalist Stiven Sotloff "İslam Dövləti” qruplaşması tərəfindən edam edilməzdən əvvəl ABŞ prezidenti Barak Obamanın xarici siyasətini kəskin tənqid edib.
"Obama, İraqa hücuma haqq
qazandırmaq üçün siz amerikalıların həyatını və maraqlarını bəhanə etmişdiniz,
bəs nə üçün sizin müdaxilənizə görə mən indi öz həyatımla cavab verirəm? Yoxsa
mən ABŞ vətəndaşı deyiləm? "İslam Dövləti” ilə əvvəlki savaşlara biz
amerikalı vergi ödəyicilərinin milyardlarla dollarını xərclədik və minlərlə
əsgərimizi qurban verdik, bəs indiki müharibədə xalqın marağı nədədir? Mənim xarici
siyasətdən anlayışım az da olsa, mən yaxşı xatırlayıram ki, sizin seçkilərdəki
qələbələriniz əsgərlərimizin İraq və Əfqanıstandan geri qaytarmaq, Quantanamo
həbsxanasını bağlamaq vədləri hesabına əldə olunub. Obama, sizin prezidentlik müddətiniz sona çatmaq
üzrədir, amma siz yuxarıda qeyd olunanların heç birini etmədiniz. Siz bu
yalanlarla bizi -
Amerika xalqını, oda sürüklədirsiniz”, - deyə Sotloff edamından əvvəl nitqində bildirib.
Qeyd edək ki, "İslam Dövləti” terrorçu qruplaşması ABŞ-ın
"Time” nəşrinin müxbiri Stiven Sotloffun başının kəsilməsi səhnəsini əks
etdirən videoçarxı internet vasitəsi ilə yayıb.
Video görüntüdə
terrorçular həmçinin digər əcnəbi girovun edam ediləcəyi ilə hədələyiblər.
Onların növbəti qurbanının Böyük Britaniya vətəndaşı Devid Xeyns olacağı
bildirilir.
Qeyd edək ki, "İslam
Dövləti” qruplaşması bundan əvvəl amerikalı jurnalist Ceyms Foulini edam
ediblər.