Oğru mənzildə ev sahibi ilə üzləşdi
Bakıda mənzilə oğurluq hadisəsi zamanı oğru mənzil sahibini hədələyib. Bu barədə Daxili İşlər Nazirliyi məlumat yayıb.Adalet.az-ın nazirliyin saytına istinadən yaydığı məlumata görə, avqustun 28-də Bakı şəhər sakini Nuranə Əliquliyeva Yasamal RPİ 26-cı PB-yə ərizə ilə müraciət edərək həmin gün saat 04 radələrində evinə pəncərədən oğurluq məqsədi ilə girmiş naməlum şəxsin evdəkiləri gördükdə mətbəxdəki bıçağı götürüb onları hədələməsini bildirib. 26-cı PB əməkdaşlarının keçirdikləri əməliyyat-axtarış tədbirləri nəticəsində hadisəni törətmiş Bakı şəhər sakini Mehman Qoçuyev tutulub.