İŞİD qadın polisi yaradır
"İslam Dövləti”
(İŞİD) döyüşçüləri qadınlardan ibarət Əl-Xansa briqadasını yaratmaq qərarına
gəlib. Adalet.az xarici mətbuata istinadən
bildirir ki, Məhəmməd peyğəmbərin ilk davamçılarından olan məşhur şairənin
adını daşıyan briqadadakı qadınlar polis işçiləri olmaqla yanaşı, Raqqada
qadınların İslam qanunlarına uyğun davranmalarına nəzarət edəcək. Raqqada gəzən
silahlı qadınlar istədikləri zaman küçələrdə qadınları saxlayıb sorğu-sual edə
və ya onların üzərində yoxlama apara bilərlər. Onların eləcə də küçədə gəzən və
ya maşında olan qadınların yanlarındakı kişilərin ailə üzvü olub-olmadığını
araşdırmaq ixtiyarı olacaq.
Qeyd edək ki, İŞİD-in qadın üzvləri sosial
media vasitəsilə yeni dəstək qrupları təşkil edir, təcrübələrini bölüşür, yeni
dostlar tapırlar. Yeni üzvlərə isə nə etməli olduqlarını və nə ilə üzləşə biləcəklərini
öyrədirlər.