Dövlət Gömrük Komitəsi yeniliyə imza atıb
Dövlət Gömrük Komitəsinin (DGK) Mərkəzi Gömrük Hospitalı Azərbaycanda
bir ilkə imza atıb. Adalet.az DGK-nın mətbuat xidmətinə istinadən xəbər verir
ki, hospitalın Urologiya şöbəsində prostat vəzin xoşxassəli hiperplaziyaları
zamanı respublikada ilk dəfə olaraq "Tulium Lazer"lə prostatektomiya
əməliyyatlarına başlanıb.
Tibbin ən son texnologiyaları içərisində yer alan
"Tulium Lazer" cihazı bu xəstəlikdən əziyyət çəkənlərin minimal fəsad
riski ilə qansız və kəsiksiz müalicə olunmasına imkan verir.
Bu cihaz vasitəsilə prostat vəzinin adenomasını,
yəni böyümüş toxumanı buxarlandıraraq xaric olunması aparılır və bu, əməliyyat
dövrünün qısa olması, qan itkisinin olmaması ilə seçilir. Əməliyyat qansız
aparıldığına görə xəstə qan itirmir.
"Tulium Lazer” aparatı ölkəmizə İtaliyadan
gətirilib və hospitalın mütəxəssislərinə yeni üsulun tətbiqi üçün xaricdə
xüsusi treninqlər keçirilib.