adalet.az header logo
  • Bakı 9°C
  • USD 1.7
20 Avqust 2014 13:06
5827
GÜNDƏM
A- A+

“Ramiz Mehdiyev öz işinin başındadır…” - Əli Həsənov

"Ramiz müəllim müalicə almaq məqsədilə heç bir ölkəyə səfər etməyib"

 "Azadlıq” qəzetində Prezident Administrasiyasının rəhbəri Ramiz Mehdiyevin səhhətində ciddi problem yaranması və bu səbəbdən müalicə olunmaq üçün Avropa ölkələrindən birinə aparıldığı haqda xəbər dərc olunub.

Adalet.az-ın məlumatına görə, bu xəbərlə bağlı Prezident Administrasiyasının ictimai-siyasi şöbəsinin müdiri Əli Həsənov qafqazinfo-nun sorğusuna cavab verib. Ə. Həsənov bildirib ki, Ramiz Mehdiyev müalicə almaq məqsədilə heç bir ölkəyə səfər etməyib və hal-hazırda iş başındadır:

""Azadlıq” qəzetinin 20 avqust 2014-cü il tarixli sayında Azərbaycan Respublikası Prezidenti Administrasiyasının rəhbəri hörmətli Ramiz Mehdiyevin guya səhhətində problemlər yarandığı və müalicə olunmaq üçün xarici ölkəyə səfər etdiyi barədə yayılmış məlumatın heç bir əsası yoxdur. Ramiz müəllim müalicə almaq məqsədilə heç bir ölkəyə səfər etməyib və hal-hazırda iş başındadır” .