Abdulla Gül narazılıqlarını dilə gətirdi
"Vədəmiz yetişdi, böyük bir şərəf
və qürurla buradan ayrılırıq. Demokratik rejimlərin ən yaxşı tərəflərindən biri
dönəmlərin olmasıdır, vəzifəni yerinə yetirirsən və gedirsən.” Adalet.az Türkiyə mətbuatına istinadən xəbər verir ki, bunu Türkiyə prezidenti Abdulla Gül dünən axşam Çankaya köşkündə keçirilən
vida ziyafətində deyib.
QHT nümayəndələri, iş adamları, sənətçilər, idmançılar və media təmsilçilərinin də qatıldığı mərasimdə Gül bəzi narazılığını da dilə gətirib: "2007-ci ildə
prezident olarkən ölkədə bəzi dairələr buna kəskin etiraz etmişdi. Dini
radikalizmin güclənəcəyini və dünyəvi dövlətə təhlükə yaranacağını söyləyənlər
olmuşdu: "Lakin mən siyasi kimliyə malik bir şəxs olaraq gəlsəm də,
Konstitusiyaya uyğun olaraq siyasi mənsubiyyətimi bir kənara qoyub tərəfsiz
oldum. İndi prezidentlik müddətim başa
çatdıqdan sonra yenidən qurucusu olduğum partiyaya qayıtmağımdan daha təbii bir
şey ola bilməz. Lakin bizim cinahdan da mənə qarşı xeyli hörmətsizlik edənlər
oldu. Bunların hamısını izlədim”.