Evimizin rəngləri...
Rənglərin insanın həyatında, psixologiyasında və məişətdə rolu danılmazdır. Qədim zamanlardan indiyədək hər bir konkret rəngə müəyyən məna verilib. Rənglər bizə təkcə psixoloji və emosional təsir etməklə qalmır, xarakter və sağlamlığımızda da iz qoyur.
Maraqlıdır
ki, insan rəngləri görmək qabiliyyətini anadan olandan bir müddət sonra əldə
edir. Rəngli dünya uşaq üçün müəyyən ardıcıllıqla açılır. Əvvəl o, qırmızı, sarı və yaşıl,
sonra isə bənövşəyi, göy və mavi rəngləri seçməyə başlayır. Yeri gəlmişkən,
artıq müəyyən edilib ki, quşların və həşəratların çoxu göy və mavi rəngdən
qorxur.
Düzgün rəng seçimi geyimlə yanaşı, evin interyerində də çox vacibdir. Belə ki, sarı otaqda nəbz normal, mavidə yavaş olur, qırmızıda isə
döyünmə artır. Evdə hər otağın
rəngi həmin otağın aurasına təsir edə bilmək xüsusiyyətinə malikdir. Otaqları boyayarkən insanın
bioloji tələbatı nəzərə alınmalıdır. Bu əsasən divar kağızı və pərdələrə
aiddir. Daha çox vaxt keçirilən, kitab oxunan, zehni işlə məşğul olunan otaqda
yaşıl rəngə üstünlük vermək, göy və mavi rəngdən istifadə etməmək məsləhətdir. Əks halda bu otaqda çalışan yuxuya meyl edər. Artıq
sübut olunub ki, mavi rəng rahatlıq və yuxu gətirir. Bu səbəbdən də yataq otağını bu rəngə boyamaq məsləhətdir.
Qonaq otağının dizaynını
tərtib edərkən təbii və yumşaq tonlu rənglərə üstünlük vermək məqsədə uyğundur.
Çünki, qonaq otağı dincəlmək, söhbət etmək, musiqiyə qulaq asmaq və s. üçün
istifadə olunduğuna görə diqqəti yayındıran, rəngləri seçmək tamamilə yanlışdır.
Qonaq otağında ağ, yaşıl və açıq tonlu rənglərə üstünlük vermək; divan, kreslo,
xalça, habelə aksesuarların rəngini isə divarın rənginin tünd çalarlarında seçmək
lazımdır.
Mətbəxin dizaynı
üçün sarı çalarlı, enerji verən rənglər seçilməlidir. Çünki bu tip rənglər tənbəlliyin
qarşısını alır, enerji verir və işləmək həvəsini artırır. Mətbəx işıqlı olmalı
və mətbəxdəki əşyaların rəngi nisbətən tünd rəng çalarlarında seçilməlidir.
Uşaq otağının dizaynında
yeniyetmə yaşına çatana qədər olan uşaga sevinc və enerji bəxç edən qırmızı,
narıncı və sarı rəngləri istifadə olunmalıdır. Yeniyetmə yaşına çatdıqdan sonra
isə uşağın psixologiyasının rahat olmasına görə mavi və yaşıl rəngin müxtəlif
çalarlarından istifadə etmək olar. Uşaq otağının interiyerində tünd rəngdən
uzaq olmaq və otağın işıqlandırılmasına, aydınlıq olmasına diqqət yetirmək
lazımdır.
Vanna otağı nisbətən
kiçik olduğu üçün interyer seçimində açıq rənglərə üstünlük verilməlidir. Vanna
otağında əsasən ağ rəngə üstünlük verilir. Çünki, bu rəng insana təmizlik və təravət
hissi bəxş edir. Mavi, yaşıl, narıncı rəngin bütün çalarları üstünlük verilməsi
lazımi rənglərdəndir.
Digər Xəbərlər
17 Aprel 2024 21:00
Türkiyədə "Baykar" şirkətinin yeni qanadlı raketi sınaqdan keçirildi - VİDEO
16 Aprel 2024 18:40Saxta nömrələrdən zəng gələrsə, diqqətli olun - XƏBƏRDARLIQ + VİDEO
16 Aprel 2024 18:17Azərbaycanda bu provayderlər cərimələndi
16 Aprel 2024 16:01Bakcell böyük dəyişiklər astanasında
15 Aprel 2024 09:56