ABŞ Dövlət Departamentinin rəhbəri Con Kerri İsraillə Fələstin arasında atəşkəsin əldə edilməsinə dair yeni açıqlama ilə çıxış edib.

Adalet.az saytı xarici KİV-ə istinadən xəbər verir ki, Con Kerri İsrail siyasi dairələrində ABŞ-ın atəşkəslə bağlı atdığı addımların tənqid olunması iddialarına münasibət bildirib. ABŞ dövlət katibi deyib ki, İsrail baş naziri atəşkəslə bağlı ona müraciət edib. "O məndən sivil atəşkəsə nail ola bilmək üçün iş görə bilərsinizmi?-deyə soruşdu. Onun atəşkəs barədə istəyi olmasa idi, mən və ABŞ prezidenti bu məsələyə girişməzdik. Onun bu öhdəliyini şübhəsiz doğru qəbul edəcəyəm, ya da kimsə burada aşkar bir oyun oynayır və ümid edirəm bu, gerçək deyil”,-deyə C. Kerri söyləyib.