ANA SƏHİFƏ / YAZARLAR

DÜNYANIN ƏN VARLI ADAMI...

55466    |   2014-04-05 06:04
Şriftin ölçüsü:
A+ Böyütmək
A+ Balacalaşdır

... O qədər varlı adam var ki, saymaqla qurtarmaq olmur. Hələ biz onların var-dövlətini demirik. Sağlıqlarına qismət, bizim heç kimin puluyla, var-dövlətiylə işimiz yoxdur. O var-dövləti qazanan adam təbii ki, ağıllı, qabiliyətli insandı. Bir də ki, pulu elə-belə asanlıqla əldə eləmək mümkün deyil.
Bir dəfə rəhmətlik atam milis rəisi işləmiş qohumu ilə çox maraqlı söhbət edirdi. Hər ikisi dərdləşəndə bir-birini daha yaxından anlayırdı. Atam həmin qohumuna dedi ki, bu kənddə elə ikimizin ürəyi ağrıyır. Heç görmüsən suçu Mehdinin, Musa kişinin ürəyi ağrısın? Çünki onların heç nədən qorxusu, ürküsü yoxdur, amma sənlə, mən, düzdür kisə-kisə pul qazanırıq, ancaq o dünyanı pul qazananda görüb-gəlirik...
Belə baxanda Akif Səmədin bir sözü yadıma düşür: dünyada varlı-kasıb yoxdur, mənən kasıb olan insanlar var. Çünki Allah-Təala birinə var-dövlət verib, onun başı pul qazanmağa qarışır, birinə də pul verməyib can sağlığı verib, həmin adamın da başı gündəlik çörək pulu qazanmağa qarışır. Rəhmətlik Akif Səmədin sözləri nə qədər müdrik və nə qədər də yaddaqalandır.
...Dünyada yüzə yaxın milyarder var. Məşhur jurnallardan biri hər il bu milyarderlərin siyahısını dərc edir. Nə bilim vallah, eləsi var ki, onun pulu 80 milyardı keçib. Bayaq dediyimiz kimi, sağlıqlarına qismət, ancaq bu milyarderlərin aralarında elələri var ki, heç övladları yoxdur və vəsiyyət də edib ki, rəhmətə gedəndə o var-dövləti xeyriyyə təşkilatlarına köçürsünlər. Bir milyarder də tanıyıram, onun övladları var, ancaq pulları övladlarına vermək istəmir. O da vəsiyyət edib ki, bu var-dövləti öləndən sonra yetim-yesirlərə paylasınlar. Övladlarına isə bir qəpik də verməyib və bildirib ki, canları çıxsın, özləri pul qazansınlar. Mənim pulumla at oynatmasınlar!
Axı, biz dünyanın ən varlı adamlarından danışırdıq. Pulla, var-dövlətlə heç vaxt mənən varlı olmaq mümkün deyil.
... 1990-cı illərin əvvəllərində Azərbaycanda ilk milyonerlərdən olan və əslən naxçıvanlı Cənnət Əliyevdən bir dəfə müsahibə aldım. Varlı olmaqla yanaşı, mənən də çox zəngin, savadlı və müasir düşüncəli bir ziyalı idi. O dedi ki, dünyanın ən varlı adamı mənəm. Sözlərindən təəccübləndiyimi görəndə yenidən dilləndi:
- Bilirsən nəyə görə deyirəm, mənim bir milyonum olanda elə bilirəm ki, on milyard pulum var. Tay fikirləşmirəm ki, bu yüz milyard olsun və daha artıq qazanc əldə edim. Əsas məsələ odur ki, insan öz tamahını və nəfsini idarə eləməyi bacarsın. O insan ki, nəfsinə, tamahına üstün gəlir, bax, o adam dünyanın ən varlı insanıdı.
...Yadıma "Qabusnamə"dəki bir rəvayət düşür:
Varlı və kasıb oğlu harasa səyahətə çıxırlar. Varlı balasının heybəsində toyuq soyutması, ət, şirniyyatlar və müxtəlif ləziz yeməklər olur. Kasıb uşağın heybəsində isə bir çörək, bir az da pendir varmış. Bir müddət gedəndən sonra onlar yorulur və acırlar. Hündür bir çinar ağacının kölgəsində süfrə açıb nahar etmək istəyirlər. Varlı uşaq özü ayrıca süfrə açır, kasıb uşaq da özünə bir süfrə düzəldir. Kasıb uşaq görür ki, varlının oğlu süfrənin üstünə ləziz yeməklər: toyuq soyutması və digər yeməklər düzdü. O isə pendir-çörəyi çıxarıb süfrəyə qoyur. Varlı uşağı toyuqdan dişinə çəkəndə onun da gözləri həmin tikədə olur. Varlı uşağı görür ki, kasıb oğlan gözünü ona zilləyib udqunur və o soruşur:
- Sən də toyuq əti istəyirsən?
- Bəli, versən, bir tikə yeyərəm.
- Bax, onda xoruz kimi banla bir tikə verim.
Kasıb uşaq xoruz kimi banlayır, varlı balası ona bir tikə toyuq əti verir. Görür ki, kasıb yenə gözünü onun yeməyinə zilləyib:
- Tay nə istəyirsən? Ürəyindən keçir, yenə bir tikə verərəm, amma eşşək kimi anqır, sənə ət verim.
Kasıb uşaq da eşşək kimi anqırır, o, yenə bir tikə verir.
...Yoldan keçən bir ağsaqqal bunu görür və ağlamaq onu tutur. Deyir ki, əgər o kasıb uşaq Allahın verdiyi pendir-çörəyə qane olsaydı və tamahına üstün gəlsəydi, heç vaxt bu dərəcədə başqası tərəfindən ələ salınmaz, alçalmazdı...
İnsan öz tamahına və nəfsinə qalib gəlirsə, elə o, bu dünyanın ən varlı adamıdır. Belə çıxır ki, bu sətirlərin müəllifi də dünyanın ən varlı insanlarından biridir. Çünki mənim atamın sovet dövründə o qədər imkanı olub ki, onun bir qəpiyində və var-dövlətində heç vaxt gözüm olmayıb. Atamdan qalan var-dövlət mənə iki metr uzunluğunda və bir metr enində olan Gəncə xalçasıdır. Buna da min şükür. Bir də ən böyük var-dövlət atamın mənə verdiyi tərbiyə və göstərdiyi düz yoldur.
Bizim kənddə bir Musa kişi var, o, dünyanın ən varlı adamıdır. Ürəyi istədiyi yeməyi yeyə bilir. 80 yaşı olsa da atını minib örüşə gedir, mal-qarasın otarıb təmiz hava udur və axşam da evinə rahat qayıdır. Heç kimin yanında gözü kölgəli deyil.
Amma milyarder insanlar var ki, xəstəlik üzündən heç nə yeyə bilmirlər, boğazından bir qurtum su da keçmir. Dünyanın ən varlı adamı Musa kişinin isə altıda alımı yoxdu, beşdə də verimi. Otuz-qırx qoyunu var, beş-altı baş da mal-qarası. Başı bu var-dövlətə qarışıb və heç harası da ağrımır...

Faiq QİSMƏTOĞLU
[email protected]


İmza:

YAZARIN ARXİVİ

2017-12-15 : O BİR QAYA
2017-12-13 : PARTAPART...
2017-12-05 : UNA NƏ QATAQ?
2017-11-28 : O BALACA UŞAQ
2017-11-22 : QALXIN, OTURAQ!
2017-11-08 : O, BİR NUR İDİ
2017-08-31 : DUZSUZ ADAMLAR
2017-08-28 : İSRAFÇILIQ
2017-08-18 : MÜBARƏK ÖLÜM
2017-08-11 : AY İŞIĞI
2017-07-07 : NƏNƏ VƏ NƏVƏ
2017-06-23 : MÖCÜZƏ
2017-06-06 : ÖLDÜR MƏNİ...
2017-05-23 : ÖLMƏYƏN ÜMİD
2017-05-12 : QARA QOÇ
2017-03-30 : NANKOR OĞUL
2017-03-17 : TUT QURUSU…
2017-02-03 : ÖLÜ XORTLADI…
2017-01-06 : BU ÜRƏKLƏ…
2016-12-09 : SÖZÜN ƏTRİ
2016-11-05 : O YAZ YAĞIŞI...
2016-11-04 : O YAZ YAĞIŞI…
2016-10-15 : AĞ YUXU
2016-07-09 : ÇİNAR AĞACI
2016-04-23 : ŞEYTAN AĞACI
2016-03-08 : BALACA PADŞAHLAR
2016-02-20 : KÖPƏYƏ EHSAN
2016-01-16 : DÜNYA MALI...
2015-11-14 : EŞŞƏK SÜDÜ
2015-08-22 : ZƏRBƏ
2015-07-04 : AĞACLAR QURUYUR
2015-06-13 : QORXMA, OĞUL!
2015-06-02 : ALAÇATI...
2015-05-16 : BİR KƏLMƏ...
2015-05-15 : ARXAYA BAXANDA...
2015-05-01 : ENDİRİMLƏR...
2015-04-11 : YAZ YAĞIŞI
2015-04-03 : BOLLUQ OLACAQ?
2015-03-20 : ELÇİLİK
2015-03-14 : DƏYİRMAN DAŞI
2015-03-05 : "BARI NAXÇIVAN"
2015-02-14 : FALA BAXIRAM
2015-01-24 : GÖZƏL ÖLÜM
2015-01-16 : QARA ÇÖRƏK
2015-01-15 : QARA ÇÖRƏK
2014-12-31 : SƏBRLİ OLSAN...
2014-12-20 : KİRVƏ
2014-12-13 : DİLİN BƏLASI
2014-12-06 : CƏHALƏT QUYUSU
2014-11-29 : LOTU
2014-09-27 : SƏBR ELƏ
2014-09-25 : BELƏ TOY OLAR?!
2014-09-20 : BÖYÜK GÜNAHLAR
2014-09-13 : KÜPƏ
2014-09-06 : BEŞ CANAVAR
2014-09-03 : SU QITLIĞI...
2014-08-16 : BÖYÜK DAYAQ
2014-08-12 : LAQEYDLİK
2014-08-09 : SOYUQ ADAMLAR...
2014-08-02 : TÖHMƏT
2014-07-19 : YALAN...
2014-06-07 : ÇƏTİN GÜN
2014-05-28 : EHSAN
2014-05-17 : ƏLDƏN QALAN...
2014-03-08 : Təmiz adam
2014-03-01 : Qarınotaranlar
2014-02-28 : Yağmurlu hava...
2014-02-22 : GÜN KEÇDİ...
2014-02-08 : TOY GECƏSİ...
2014-01-25 : TAMAH
2014-01-18 : XƏCALƏT TƏRİ
2014-01-11 : YAĞIŞ...
2013-12-28 : DÖNÜŞ
2013-11-23 : SƏDR ATI
2013-11-16 : YURD YERİ...
2013-11-02 : PAXIL
2013-09-07 : BAŞ REDAKTOR
2013-08-31 : CADUGƏR
2013-08-17 : KOBRA
2013-08-03 : POÇTALYON
2013-07-27 : AYRILIQ...
2013-07-20 : SÖZGƏZDİRƏN
2013-07-13 : SƏNGƏR
2013-07-06 : QUDURĞAN
2013-06-22 : DƏMİRÇİ
2013-06-15 : GOPÇU KİŞİ
2013-05-25 : QOHUMLUQ
2013-05-18 : HƏSRƏT YAĞIŞI
2013-05-11 : ƏRİK AĞACI
2013-05-04 : AYRILIQ
2013-04-27 : ELÇİLİK
2013-04-20 : İLDIRIM
2013-04-13 : GÜN İŞIĞI
2013-04-06 : DÖYÜŞ
2013-03-30 : EHSAN
2013-03-20 : YARMARKA OYUNU...
2013-03-16 : ÜRƏK DÖZSƏ...
2013-03-08 : KOR ARVAD
2013-03-02 : YALTAQ
2013-02-23 : ZƏHRİMAR
2013-02-16 : SÖNƏN OCAQ
2013-02-02 : DÜYÜN
2013-01-26 : VƏZİFƏ
2013-01-19 : MƏRDİMAZAR
2012-12-22 : QORXU
2012-12-15 : TƏNHA QOCA...
2012-12-08 : ÜZÜK
2012-11-27 : GÖZ DƏYİB...
2012-11-27 : QAN DAVASI...
2012-09-15 : GECƏYARISI QƏTL
2012-08-18 : GÖZ YAŞI...
2012-08-04 : DAŞ HASARLAR...
2012-06-15 : TOY...
2012-06-02 : DURULAN DÜNYA...
2012-05-12 : KÖÇ...
2012-04-28 : POÇT QUTUSU...
2012-04-07 : ÜNVANSIZ EŞQ
2012-03-03 : ZƏHƏR TULUĞU
2012-02-18 : POLKOVNİK...
2012-02-11 : YALANÇININ...
2011-12-31 : Bir ovuc torpaq
2011-12-24 : DÜZ SÖZ...
2011-12-17 : O DÜNYALIQ...
2011-12-10 : QUTUDA İLAN...
2011-12-03 : ARTIQ TAMAH...
2011-10-22 : DƏRİN QUYU...
2011-08-13 : PARTLAYIŞ...
2011-08-06 : OD İÇİNDƏ...
2011-07-23 : AĞ DÜNYA...
2011-05-07 : QARA EYNƏK...
2011-04-30 : HAQSIZLIQ
2011-04-23 : MÜBARİZƏ...
2011-04-16 : GÜNAH...
2011-02-12 : HARINLIQ...
2010-12-31 : ATƏŞFƏŞANLIQ
2010-11-06 : BAHALIQ
2010-08-28 : DƏLƏDUZLUQ...
2010-07-10 : BƏDNƏZƏR
2010-06-12 : ÇƏTİN GÜN
2010-03-13 : YOLUNU AZANLAR...
2010-02-27 : YASİN PULU
2010-02-20 : ÇİY SÜD
2010-02-13 : YANAR ÜRƏK...
2010-01-09 : YAD QIZI
2009-12-31 : DÜNYA QOPUR
2009-12-19 : UZUN GECƏ...
2009-11-07 : ADAM OL...
2009-10-24 : QURDUN PAYI...
2009-08-15 : DƏLİXANA
2009-06-06 : NADAN
2009-05-09 : BUZ BALTASI
2009-05-02 : PULSUZLUQ
2008-10-30 : ÇİY SÜD
SON XƏBƏRLƏR
2018-01-22


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Təbii qaz limitini keçmisinizmi?

Hə (76.47%)
Yox (23.53%)

ÇOX OXUNAN
GÜNÜN LƏTİFƏSİ
Mollaya xəbər verirlər ki, qayınanasını su aparıb. Molla gəlib girir çaya, başlayır su yuxarı axtara-axtara getməyə. Görənlər soruşurlar ki:
- Ay Molla, bu necə axtarmaqdı? Cənazə su axan tərəfə gedər, ya yuxarı dırmaşar?
Molla deyir:
- Siz onu tanımırsınız. O, elə bir tərs adam idi ki, hökmən yuxarı gedib. Sizin işiniz olmasın, mən bu saat onu tapacağam.




digər lətifələr
ARXİV
FACEBOOK