ANA SƏHİFƏ / YAZARLAR

SABAHLARINIZIN ŞƏRQİSİ

26357    |   2014-02-04 00:05
Şriftin ölçüsü:
A+ Böyütmək
A+ Balacalaşdır

...Olsa-olsa keçmiş komsomol işçilərinin yadında qalar. O vaxtlar hər il iyun ayının 29-u sovet gəncləri günü kimi qeyd olunurdu. Bu ümumölkə bayramı təmtəraqlı olmayıb, əslində öz potensialına görə hələ bir qədər sönük keçsə də, gənclərin cəmiyyətdəki mövqeyi birmənalı şəkildə təsdiqlənirdi. İdeoloji baxımdan şübhəli və qeyri-müəyyən istiqamətin formalaşmasına rəğmən, ümumi bir təntənə, birlik, vətənpərvərlik prosesi bayramlarsız da qəbul edilib anlaşılırdı. Və ədalət naminə deməliyik ki, bu birlik, bu vətənpərvərlik isterik faşizm ideyalarından qat-qat uzaq və səmimi idi. Elə bu birliyi və müəyyən səmimiliyi yaradan, formalaşdıran da həmin o gəncliyə, onun tərbiyəsinə yönəldilmiş ideologiyanın iç qatlarındakı işıq gələn tərəflər idi. Yəni müəyyən məqamları çıxmaq şərtilə başdan-başa mənfur deyildi. Gəncliyin bəşəri hisslərə köklənmiş sağlam əqidəli, sağlam vətənpərvər olması üçün də şərait var idi, bu mürəkkəb ideoloji mexanizmin işıq gələn tərəfi də var idi. Əqidə formalaşması və cəmiyyətə özgür münasibət fərdin özündən, onun əxlaqi və elmi dünyagörüşündən daha çox asılı idi. Və necə ki, sonunda da belə oldu. İdeologiya patriarxları bir də onda ayıldılar ki, cəmiyyət işıqlı insanlarla doludur. Onlar stalnizmdən sonrakı dövrdə doğulub böyüyən, həmin o işıqlı tərəfdən nəfəs alıb müdhiş imperiyanın nə vaxtsa çökəcəyinə inananlar idi.
Bax, bu mənada o dövrdəki pioner və komsomol təşkilatlarının, gənclər birliklərinin hər hansı bir formada mövcudluğu və mütəşəkkil fəaliyyəti olduqca ciddi əhəmiyyət kəsb etmişdi.
Hər bir xalqın və ölkənin tarixində elə günlər var ki, bu günlər öz əlamətdarlığına görə bayram səviyyəsində qeyd olunur. Eləcə də əksinə - faciəvi günlərin anılması. İnsanların yaddaşında daha çox ümumxalq bayramlarının yaşaması da təbiidir. Belə günlərin təqvim görüntüsü, yaxınlaşması qabaqcadan duyulur, ən azından yaddaş hazırlığı hiss olunur. Bu cür bayram günlərini adbaad sıralamağa da ehtiyac yoxdur.
Dövlət tərəfindən müəyyənləşdirilmiş müxtəlif əlamətdar günlər də var. Ayrı-ayrı peşə bayramları bu sıradandır. Kütləvi informasiya vasitələri yada salmasa, əhalinin əksər hissəsi həmin günləri unudub ötürər də.
Və Gənclər günümüz də var. Belə bir gün 1996-cı ildən qeyd olunmağa başlayıb. Hər il fevral ayının 2-i ümumrespublika Gənclər günü kimi qeyd olunur. Əslində çox təmtəraqlı hazırlanıb, qarşılanıb keçirilməli olan Gənclər günü yaddaşlarda arzulanan səviyyədə möhkəmlənə bilmir. Qəfil gəlib, qəfil də ötüb keçir. Baxmayaraq bu, müstəqil respublikamızın müstəqil gəncləri üçün ayrılmış bir bayram günüdür.
İndi biz ayrı, müstəqil, gələcəyi daha işıqlı görünən bir ölkəyik. Bəs bu cəmiyyətdə gəncliyimizin mövqeyi nədən ibarətdir? Elmdə, istehsalatda, hərbi xidmətdə, idman meydanlarında, ədəbiyyat və incəsənət sahələrində... saysız-hesabsız uğurlar qazanmaq. Azərbaycan Respublikasının Prezidenti İlham Əliyev cənabları Ümummilli Liderimizin tövsiyələrində irəli sürülən gözəl gələcəyin sahiblərinə necə böyük meydanlar yaradır, qayğı göstərir. Gənclərimiz bu qayğı və diqqətdən ruhlanaraq irəliyə doğru, ciddi uğurlara doğru can atırlar. Bu, ayrı-ayrı sahələrdə gəncliyin müvəffəq nəticələrə sahib olmasının görüntüsü və təstiqidir.
Ancaq qazanılan bu uğurların fonunda Gənclər günü təqvim streotepindən qopa bilmir. Ümumi sambal, təmtəraq gözlənildiyi halda həmin gün gənclərin daha sıx birləşməsi, siyasi və sosial dünyagörüşlərindən asılı olmayaraq bir vətənin övladları kimi əl-ələ verməsi özünü bir daha təsdiq etmək fəallığı, coşqusu arzuladığımız kimi görünmür. Baxmayaraq bunun üçün hər cür imkan və şərait vardır.
Bu gün bizə daha çox vacib olan vətənpərvərlik tərbiyəsinin yeni istiqamətlərdə daha mükəmməl yüksəlişini arzulayırıq. Vətən sevgisi bütün gəncliyi birləşdirməlidir. Bundan ötrü daha çox və daha yaxşı işləmək lazımdır. Həm də xarakterlərin formalaşması klassik və müasir ədəbiyyatdan da gəlir. Telekanalların əksəriyyəti gənc auditoriyaya hesablanmış mənasız şoular, meyxana yarışmaları və digər səviyyəsiz verilişlərin əvəzinə gənc nəslin əsl vətənpərvər, bilikli, zəngin dünyagörüşlü insan kimi yetişməsində mühüm rol oynayan proqram-layihələrə geniş yer ayırmalıdırlar. Bütün bunlar həm də bir vətəndaşlıq borcudur. Təbii ki, özlərinin də bu istiqamətdə potensialı təminatlıdırsa...

Məzahir ƏHMƏDOĞLU


İmza:

YAZARIN ARXİVİ

2018-10-08 : PİS ADAM YOLDA
2017-08-04 : VAMPYRUM
2017-06-16 : DINIŞKA
2017-05-19 : Qarik
2016-06-25 : QARTALI SEVMƏK
2015-09-19 : NOSTALJİ
2015-08-15 : ŞOTA
2015-08-09 : MAFİOZLAR
2015-07-07 : QARTALI SEVMƏK
2014-12-06 : KANYON
2014-08-26 : REGİON
2014-08-23 : REGİON
2014-08-09 : DAHİ
2014-08-02 : QARTALI SEVMƏK
2014-05-31 : SPARTAKiada
2014-03-20 : Novruz küləyi
2014-03-15 : ŞARJ
2014-02-15 : SVOBODA!
2014-01-11 : MİRAJ
2014-01-09 : KARDELEN
2013-09-18 : NEOVENDETTA?
2013-09-14 : I I I İSGƏNDƏR
2013-09-07 : XORA
2013-08-24 : TATUİRİZM?
2013-08-03 : SFİNKS
2013-07-27 : PSİTTAKİFORMES
2013-04-02 : SÖZÜN ŞƏKLİ
2012-10-20 : YUXU
2012-10-18 : STADİON
2012-08-25 : ALDIRMA, KÖNÜL!
2012-08-23 : PİS ADAM YOLDA
2012-05-01 : MAY GÜNÜ
2012-03-03 : VAMPYRUM
2011-08-13 : İki Koşevoy
2011-04-30 : VENDETTA?
2011-03-16 : SADƏCƏ...
2010-10-02 : ATA QATİLLƏRİ
2010-08-14 : YUXU
2010-07-17 : ALDIRMA, KÖNÜL!
2010-06-12 : VAMPYRUM
2010-05-01 : MAY GÜNÜ
2010-04-24 : MONOLOQ
2010-04-03 : SPARTAKiada
2010-02-20 : DERBİ
2009-12-19 : ÇƏTİN SÖHBƏT
2009-10-31 : İMLA QONAQLIĞI
2009-10-10 : SEZARIN QAYITMASI
SON XƏBƏRLƏR
2018-10-22


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Qiymətlər qalxandan sonra avtobusa minəcəksiniz?

Hə (70%)
Yox (30%)

ÇOX OXUNAN
GÜNÜN LƏTİFƏSİ
Vəli Xramçaylını hakim qarşısına çıxarırlar. Hakim:
- Sizi bu iki nəfərə qarşı soyğunçuluqda günahlandırırlar. Bu barədə nə deyə bilərsiniz?
Vəli:
- Vallah, axşam evə gedeyerdim, bu iki qardaş mənə yaxınlaşdı, dedilər ki, saatı və ayaqqabını çıxart. Mən də neyniyim, yazığım gəldi , birinin saatını, o birinin də ayaqqabısını çıxartdem. Polis də məni tutub sizin yanınıza gəteyrdi.




digər lətifələr
ARXİV
FACEBOOK