Publisist-yazar İradə Tuncay haqqında bu yazını düşündüyüm günlərdə iş elə gətirdi ki, "Yeni Azərbaycan" qəzetinin əməkdaşı Kəbutər xanım bir güllə ilə iki ov ovlayıb, yazar, "Ədalət" qəzetinin baş redaktoru, millət vəkili Aqil Abbas və İradə Tuncayla bir sorğu çap elətdirdi və mənim bu sorğudan xəbərim yox idi. Həmin sorğunu oxumaq üçün mənə təqdim edən bir nəfər tanışım üstəlik də əlavə etdi: burada sənin adın yoxdur.
   
   Bir az anlamadım doğrusu nə demək istəyirdi o tanışım və güman ki, onu düşünüb ki, mən son vaxtlar ƏDALƏT qəzetinə daha çox yazıram və belə sorğularda da adətən adlar çəkilir, düşünüb ki, mənim də adımı çəkməliymişlər.