ANA SƏHİFƏ / YAZARLAR

MİRAJ

29187    |   2014-01-11 00:41
Şriftin ölçüsü:
A+ Böyütmək
A+ Balacalaşdır

Hər ikisi eyni mənanı daşısa da, ilğım bir az işıqlı və daha ümidli səslənir. Aldanış miraj sözündə - səslənməsində sanki daha qorxuludur. Həm də bu aldanış, yuxudankənar vaqeə təkcə səhrada susuzluqdan ağlını itirməkdə olanın gözləri önündə "canlanan" yaşıl vadinin şırıltılı çayları, şirin bulaqları deyil. Bunlar bir qədər keçmişlərə aiddir. İndi heç Saxaranın özündə belə susuzluqdan dəli olmaq ehtimalı yoxdur. Əvəzində başqa məsələlərdən, aldanışlardan dəli olarsan...
...Özünə dost bildiyinin ciddi, həyatı əhəmiyyətli bir məqamda laqeydliyi, "yoxa çıxması", səndən uzaqlarda olması, əxlaqına və şəxsiyyətinə şübhə etmədiyin o gözəl insanın, sirdaşın bu mənada metamorfozu, anidən çöküşü, qapıbir qonşunun, yüz dəfə hörmət etdiyin insanın hətta sənin təmkinli uğursuzluğuna, dərdinə belə paxıllıq etməsi, yerindəcə unudulan təmtəraqlı sağlıqlar, sənin əbədi etibarının, candan sevginin və rəğbətinin xoş bir çağında süni şəkildə, bəlkə də gerçəkdən sıradan biri rəftarıyla qarşılaşmağın və eyni zamanda ötənlərin həmin o doğma göz yaşları... səni elə susadar ki! Dil-dodağın nədir, ürəyin də cadar-cadar olar...
İnsan, şəxsiyyət bütövlüyü real göründüyü qədər də şərtidir. Bəzən bütün bunlar surroqat kimi də görünə və dərk edilə bilər. İnsan xarakterinin idarə etdiyi prixoloji məqamlar hər kəsin ağlıkəsən səviyyədə arzusudur. Biri məşhur sənətçi, biri nazir, biri prezident, biri varlı sahibkar, biri... general olmaq istəyir. İnsanın digər analoji arzuları da olur. Ancaq hər bir insan özünəməxsus həyat tərzini - sevincli, kədərli, uğurlu və uğursuz günlərini yaşayır. Bütün bunların axınında nələr baş versə də, mükəmməllik birinci şərt olaraq qalır. Hər bir insan rastlaşdığı hadisələrə də öz həyat tərzi və dünyagörüşünə uyğun münasibət bildirir. Hər kəs bu dünyanın sevincini dadmaqla, qayğısız yaşamaqla yanaşı, ağrı-acısına, doğmasının itkisinə, dostunun yoxluğuna - böyük kədərlərə də məhkumdur. Həyatın yazılmış və yazılmamış qanunları insanı daim izləməkdədir. Çünki bütün sirlər yalnız Tanrıya məxsusdur. Biz isə bu sirlərin tərs-avandlığında sevinirik də, kədərlənirik də.
Aldanış... Eyni zamanda gümanın bütünlüklə itməsi...
Bu əhvalatı bir tanışım sıxıla-sıxıla, utana-utana danışıb mənə. Onun vəzifəli bir məmur dostu olub. İllər ötdükcə bu dostluq daha da möhkəmlənib. O vaxtlar elə xarakterlərinə görə onların yaşam tərzində də sən deyən böyük fərq yox imiş. Təbii ki, vəzifəli məmur maddi baxımdan bir qədər imkanlı olarmış. Təxminən 6-7 il bundan əvvəl vəzifəli məmur həmin dostu ilə belə bir məhrəmanə söhbət edir. Sual verir ki, sən əminsənmi bizim dostluğumuz əbədidir? Sual gözlənilən müsbət cavabla təsdiqlənir. Və and içirlər ki, harda olurlarsa olsunlar, bu dostluğa əbədi olaraq sadiq qalacaq, bir-birlərini bütün məqamlarda qoruyacaqlar. Beləcə davam edir. Dostluq görüşləri, xeyir-şər sevinci və həmdərdliyi, heç kəsə deyə bilmədikləri söz-sirr onları bir-birinə daha sıx bağlayır.
İllər ötüb keçir. Məmur dostun vəzifəsi bir az da yüksəlir. Həyat da davam edir. Ancaq tanışımın həyatındakı bəzi sıxıntılar üzündən onların əlaqələri müəyyən qədər zəifləyir. Tərs kimi ailədə bəzi problemlər yaranır. Paralel olaraq bahalı müalicə və dərmanlara da ehtiyac artır. Heç kəsə ağız açmır, öz problemlərini özü həll etməyə çalışır. Belə məqamların birində onlar rastlaşıb çay içirlər. Yüksək vəzifəli dost söhbətarası bildirir ki, yeni bir obyekt başladıb, 200 minə yaxın xərcləyib, hələ nə ucu var, nə bucağı. Gözlənilməz səbəblər üzündən ciddi ehtiyac içində olan dostu ona Allahdan köməklik arzulayır. Əslində isə bu görüşdən və söhbətdən nəyəsə ümidli imiş.
Böyük məmur əbədi dostluğa bütün şərtlərlə birlikdə and içib, and içdirdiyi dostunun sınıxmış üz-gözündəki kədəri də hiss etməyib.
Dostununmu???

P.S. Əziz dost, bütün bunlar heç də o demək deyil ki, kimlərsə göydən yerə elə büsbütün mələk kimi enir, kimlərsə büsbütün fürsətcil oyunçu. Yaxşılar da səhv edir, pislərin də işıqlı tərəfi olur. Hər kəs öz kimliyini yaxşı bilir, ağlı-başı yerindədirsə hara qədər haqlı və ya haqsız olduğunu da dərk edir. Faciə onda baş verir ki, səni çəkib aparan o yol - o gözəllik, o saf sirdaşlıq, o cəsarət, o fədakarlıq bir ilğım kimi görünür, görünür, ancaq əlin yetmir... Və sən də dinib danışmadan gerçəyi anlatmadan öyrəşdiyin həyatı yaşayırsan. Sən zirvələrdə qərarlaşan əsil dostluq arzulayırsan. Nə olsun? Hələ indən belə də çox ağrıyacaqsan. Çünki sənin cəzan elə belə də olmalıydı. Kimin kefi kökdürsə, haqlı odur...
Ancaq... Bir məqama qədər!

P.P.S. Bu da Vaqif Bayatlı Odərdən ilğım kimi misralar:

Əlim əllərindən çəkilməmiş,
qonur gözlərimə,
qara torpaqlar tökülməmiş
unutdular məni, unutdular...

Bu da Ramiz Rövşəndən:


Ölüncə neçə-neçə qapıdan keçir adam,
Dünya - üz tutduğumuz qapılarla doludu.
Bəlkə də üzümüzə çırpılan qapılardan,
Üzümüzə açılan qapılar qorxuludu...

...Və Mahir N.Qarayevdən:

...Və qaldı dünyada bircə pəncərə -
Onu da duymamaq, sevməmək olmur;
Ölü duasıtək uzanır gecə -
Dərdi qaş-gözlə də söyləmək olmur.

Məzahir ƏHMƏDOĞLU


İmza:

YAZARIN ARXİVİ

2017-08-04 : VAMPYRUM
2017-06-16 : DINIŞKA
2017-05-19 : Qarik
2016-06-25 : QARTALI SEVMƏK
2015-09-19 : NOSTALJİ
2015-08-15 : ŞOTA
2015-08-09 : MAFİOZLAR
2015-07-07 : QARTALI SEVMƏK
2014-12-06 : KANYON
2014-08-26 : REGİON
2014-08-23 : REGİON
2014-08-09 : DAHİ
2014-08-02 : QARTALI SEVMƏK
2014-05-31 : SPARTAKiada
2014-03-20 : Novruz küləyi
2014-03-15 : ŞARJ
2014-02-15 : SVOBODA!
2014-01-11 : MİRAJ
2014-01-09 : KARDELEN
2013-09-18 : NEOVENDETTA?
2013-09-14 : I I I İSGƏNDƏR
2013-09-07 : XORA
2013-08-24 : TATUİRİZM?
2013-08-03 : SFİNKS
2013-07-27 : PSİTTAKİFORMES
2013-04-02 : SÖZÜN ŞƏKLİ
2012-10-20 : YUXU
2012-10-18 : STADİON
2012-08-25 : ALDIRMA, KÖNÜL!
2012-08-23 : PİS ADAM YOLDA
2012-05-01 : MAY GÜNÜ
2012-03-03 : VAMPYRUM
2011-08-13 : İki Koşevoy
2011-04-30 : VENDETTA?
2011-03-16 : SADƏCƏ...
2010-10-02 : ATA QATİLLƏRİ
2010-08-14 : YUXU
2010-07-17 : ALDIRMA, KÖNÜL!
2010-06-12 : VAMPYRUM
2010-05-01 : MAY GÜNÜ
2010-04-24 : MONOLOQ
2010-04-03 : SPARTAKiada
2010-02-20 : DERBİ
2009-12-19 : ÇƏTİN SÖHBƏT
2009-10-31 : İMLA QONAQLIĞI
2009-10-10 : SEZARIN QAYITMASI
SON XƏBƏRLƏR
2018-01-21
2018-01-20


VİDEO



ƏDALƏT BU GÜN
Redaktor seçimi
FOTOREPORTAJ
GÜNÜN SİTATI
SORĞU
Təbii qaz limitini keçmisinizmi?

Hə (76.47%)
Yox (23.53%)

ÇOX OXUNAN
GÜNÜN LƏTİFƏSİ
Mollaya xəbər verirlər ki, qayınanasını su aparıb. Molla gəlib girir çaya, başlayır su yuxarı axtara-axtara getməyə. Görənlər soruşurlar ki:
- Ay Molla, bu necə axtarmaqdı? Cənazə su axan tərəfə gedər, ya yuxarı dırmaşar?
Molla deyir:
- Siz onu tanımırsınız. O, elə bir tərs adam idi ki, hökmən yuxarı gedib. Sizin işiniz olmasın, mən bu saat onu tapacağam.




digər lətifələr
ARXİV
FACEBOOK