Yerdən göyə qədər...ondanda uzaq -

Yolu qaranəfəs min dəfə ölçdüm...

Xəyalım təsəlli, xəyalım tuzaq -

Hara hərləndimsə içinə düşdüm...

Bir çınqı..qığılcım alışmadı ki,

Ondan alov doğsun - ruhum isinsin...

Qəlbim əl açşmağa alışmadı ki -

Hansısa kölgəyə yarınıb, sinsin...

...Yenə öz dünyamın öz külü ilə

Ümid kərpicləri kəsirəm ...səssiz...

Xəyal sarayımı gətirdim dilə -

Onu gördünüzmü ilğımda bəs siz?!