Səhərdən axşama , gecədən sübhə -
Didirəm içimi, sərirəm mehə.
Dönür həsrət adlı qorxunc bir şübhə -
Kipriyin ucundan boylanan şehə...

Çıxmaq mümkün deyil bu çərçivədən
Demək də çətindi - dil tikanlayıb..
Məni qədərimə O, pərçim edən-
Özü qərarını bil ki, anlayıb...

Dörd divar... bir də ki, özümdəki sən
Ruhumuz sarmaşıq, cismimiz girov...
Sən elə əzəldən özümdəkisən -
Sevmək günahım da əriyən qırov...